രജനീകാന്ത് ചിത്രങ്ങളോടുള്ള തന്റെ കടുത്ത ആരാധന സഞ്ജു തുറന്നുപറഞ്ഞു. “രജനി സാറിന്റെ സിനിമകൾ കാണാൻ എനിക്ക് വലിയ ഇഷ്ടമാണ്. അദ്ദേഹത്തിന്റെ പുതിയ ചിത്രങ്ങൾക്കായി ഞാൻ എപ്പോഴും കാത്തിരിക്കാറുണ്ട്. ഇത്തവണ സിനിമ കാണാൻ ഞാൻ ഒരു ദിവസം വൈകി. ഇന്നലെ ഡൽഹിയിൽ ഒരു പരിപാടി ഉണ്ടായിരുന്നതുകൊണ്ടാണ് ആദ്യദിനം തന്നെ സിനിമ കാണാൻ കഴിയാതെ പോയത്. എന്നാൽ ഇന്ന് ഭാഗ്യവശാൽ തിയേറ്റർ മുഴുവനായും ബുക്ക് ചെയ്യാൻ എനിക്ക് കഴിഞ്ഞു. സുഹൃത്തുക്കളെ ക്ഷണിച്ചിട്ടുണ്ട്, എന്റെ ഭാര്യയും ഒപ്പമുണ്ട്. ബിഗ് സ്ക്രീനിൽ രജനി സാറിനെ കാണുന്നതിന്റെ അതിയായ ആവേശത്തിലാണ് ഞാൻ,” സഞ്ജു വ്യക്തമാക്കി. തമിഴ് അറിയാവുന്ന ഇന്ത്യൻ ക്രിക്കറ്റ് ടീമിലെ മറ്റ് ചില അംഗങ്ങളും തനിക്കൊപ്പം സിനിമ കാണാൻ എത്തുന്നുണ്ടെന്നും അദ്ദേഹം കൂട്ടിച്ചേർത്തു.
