ലോകത്തിലെ തന്നെ ഏറ്റവും വലിയ സാംസ്കാരിക പ്രസ്ഥാനങ്ങളിലൊന്നായ 'സൂര്യ കള്ച്ചറല് സൊസൈറ്റി'യുടെ സ്ഥാപകനാണ് അദ്ദേഹം. ഇന്ത്യന് ബഹിരാകാശ ഗവേഷണ കേന്ദ്രത്തില് (ISRO) ശാസ്ത്രജ്ഞനായി ദീര്ഘകാലം സേവനമനുഷ്ഠിച്ച ശേഷമാണ് അദ്ദേഹം പൂര്ണമായും കലാ-സാംസ്കാരിക രംഗത്തേക്ക് കടന്നുവന്നത്. തിരുവനന്തപുരം കേന്ദ്രീകരിച്ച് അദ്ദേഹം തുടക്കം കുറിച്ച 'സൂര്യ ഫെസ്റ്റിവല്' ലോകമെമ്പാടുമുള്ള കലാസ്നേഹികളുടെ ശ്രദ്ധ പിടിച്ചുപറ്റിയിരുന്നു.
കേരള സംഗീത നാടക അക്കാദമി ചെയര്മാന് എന്ന നിലയില് സംസ്ഥാനത്തെ നാടക-ദൃശ്യകലാ രംഗത്ത് നിരവധി വിപ്ലവകരമായ മാറ്റങ്ങള് കൊണ്ടുവരാന് അദ്ദേഹത്തിന് സാധിച്ചു. സാംസ്കാരിക രംഗത്തിന് നല്കിയ സമഗ്ര സംഭാവനകള് പരിഗണിച്ച് രാജ്യം അദ്ദേഹത്തിന് പദ്മശ്രീ ബഹുമതി നല്കി ആദരിച്ചിട്ടുണ്ട്.
