അപകടത്തിൽ ഓട്ടോയിലുണ്ടായിരുന്ന രണ്ട് ഹോട്ടൽ ജീവനക്കാരികൾക്ക് പരിക്കേറ്റു.
മുരുക്കുമണ്ണിൽ നിന്നും രണ്ട് ഹോട്ടൽ ജീവനക്കാരികളുമായി വന്ന ഓട്ടോറിക്ഷയാണ് അപകടത്തിൽപെട്ടത്.
ഇന്ന് പുലർച്ചെ അഞ്ചര മണിയോടെയായിരുന്നു സംഭവം. ഡ്രൈവർ ഉറങ്ങിപോയതാണ് അപകടകാരണമെന്ന് പ്രാഥമിക നിഗമനം.
ഇടിയുടെ ആഘാതത്തിൽ പൂർണ്ണമായി തകർന്ന ഓട്ടോറിക്ഷ വെട്ടിപ്പൊളിച്ചാണ് ഡ്രൈവർ നാസിമുദ്ദീനെ പുറത്തെടുത്തത്. ഗുരുതരമായി പരിക്കേറ്റ നാസിമുദ്ദീനെ ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരണം സംഭവിക്കുകയായിരുന്നു.
വാഹനത്തിലുണ്ടായിരുന്ന യാത്രക്കാരായ ബിന്ദു, മിനി എന്നിവരെ പരിക്കുകളോടെ കടയ്ക്കൽ താലൂക്ക് ആശുപത്രിയിൽ പ്രവേശിപ്പിച്ചു.
