തീര്ഥാടകരുടെ യാത്രാനടപടികള് ലളിതമാക്കുക, സന്ദര്ശനാനുഭവം മെച്ചപ്പെടുത്തുക, സേവനങ്ങള് കൂടുതല് കാര്യക്ഷമമാക്കുക എന്നിവയാണ് ഇതിന്റെ ലക്ഷ്യം. പുതിയ സംവിധാനപ്രകാരം, ഓരോ സന്ദര്ശനത്തിനും നുസൂഖ്-പ്ലാറ്റ്ഫോമിലൂടെ അംഗീകൃത ഏജന്സിയില് നിന്ന് സര്വീസ് പാക്കേജ് വാങ്ങണം. പാക്കേജിന്റെ കാലാവധി വിസയില് ബാക്കിയുള്ള ദിവസങ്ങളെ കവിയാന് പാടില്ല. കൂടാതെ, സൗദിയിലെത്തുന്നതിന് മുമ്പ് Nusuk ആപ്പിലൂടെ ഉംറ പെര്മിറ്റും നിര്ബന്ധമായും നേടണം.
ഹജ്ജ്-ഉംറ മന്ത്രാലയത്തിന്റെ അറിയിപ്പനുസരിച്ച്, ഓരോ തവണയും സൗദി അറേബ്യ വിട്ടുപോകുമ്പോള് വിസ സ്വയമേവ പ്രവര്ത്തനരഹിതമാകും. പിന്നീട് വീണ്ടും സന്ദര്ശിക്കാന് ആവശ്യമായ എല്ലാ നിബന്ധനകളും പാലിച്ചാല് വിസ വീണ്ടും സജീവമാക്കും. എന്നാല്, ദുല്ഖഅ്ദ 1 മുതല് ദുല്ഹിജ്ജ 13 വരെ നീളുന്ന വാര്ഷിക ഹജ്ജ് സീസണില് ഈ വിസ ഉപയോഗിച്ച് സൗദി അറേബ്യയില് പ്രവേശിക്കാന് കഴിയില്ല. രാജ്യത്തെ ഹജ്ജ് ചട്ടങ്ങള്ക്കനുസരിച്ചാണ് ഈ നിയന്ത്രണം.
മതടൂറിസം വിപുലീകരിക്കാനും, വര്ഷം മുഴുവന് മുസ്ലിം തീര്ഥാടകരെ ആകര്ഷിക്കുന്ന പ്രധാന കേന്ദ്രമെന്ന നിലയില് സൗദി അറേബ്യയുടെ സ്ഥാനം കൂടുതല് ശക്തിപ്പെടുത്താനും, ഡിജിറ്റല് സേവനങ്ങളും ലളിതമായ സന്ദര്ശക നടപടിക്രമങ്ങളും പ്രോത്സാഹിപ്പിക്കാനുമാണ് ഈ പുതിയ നീക്കം സഹായകമാകുമെന്നാണ് വിലയിരുത്തല്.
