ലിവർപൂൾ, ഹാംബർഗ്, സൗത്താംപ്ടൺ, ന്യൂകാസിൽ യുണൈറ്റഡ് എന്നീ ക്ലബ്ബുകൾക്കായി തിളങ്ങിയ കീഗൻ, 1978-ലും 1979-ലും തുടർച്ചയായി ബാലൺ ഡി ഓർ നേടിയ അപൂർവ താരങ്ങളിൽ ഒരാളാണ്. ഇംഗ്ലണ്ടിനായി 63 മത്സരങ്ങളിൽ കളിച്ച അദ്ദേഹം ദേശീയ ടീമിനെ നയിക്കുകയും ചെയ്തു.
താരജീവിതത്തിന് ശേഷം പരിശീലക രംഗത്തും ശ്രദ്ധേയനായ കീഗൻ, ന്യൂകാസിൽ യുണൈറ്റഡിനെയും ഇംഗ്ലണ്ട് ദേശീയ ടീമിനെയും മാഞ്ചസ്റ്റർ സിറ്റിയെയും പരിശീലിപ്പിച്ചു. ആക്രമണാത്മക ഫുട്ബോളിലൂടെ ന്യൂകാസിലിനെ പ്രീമിയർ ലീഗിലെ മുൻനിര ശക്തിയാക്കിയ പരിശീലകനെന്ന നിലയിലും അദ്ദേഹം ശ്രദ്ധിക്കപ്പെട്ടു.
കെവിൻ കീഗന്റെ വിയോഗത്തിൽ ഫുട്ബോൾ ലോകത്തെ നിരവധി മുൻ താരങ്ങളും ക്ലബ്ബുകളും അനുശോചനം രേഖപ്പെടുത്തി.
