മക്കളില്ലാത്ത തനിക്ക് ദുരിതകാലത്ത് അഭയമേകിയ സതീശൻ സ്വന്തം മകനെപ്പോലെയാണെന്നാണ് അമ്മാളു അമ്മ പറയുന്നത്. വി.ഡി. സതീശനോടൊപ്പമുള്ള പഴയൊരു ചിത്രവും കൈയ്യിലേന്തി വേദിക്കരികിലെത്തിയ അമ്മാളു അമ്മയ്ക്ക് ഒരേയൊരു ആഗ്രഹം മാത്രമേ ഉണ്ടായിരുന്നുള്ളൂ; സതീശനെ നേരിട്ടൊന്ന് കെട്ടിപ്പിടിക്കണം. ഒടുവിൽ വി.ഡി. സതീശൻ അരികിലെത്തി ആ ആഗ്രഹം സാധിച്ച് നൽകിയതോടെ അമ്മാളു അമ്മ നിറഞ്ഞ സന്തോഷത്തോടെയാണ് മടങ്ങിയത്. മുഖ്യമന്ത്രി വി.ഡി. സതീശനെ മാത്രമല്ല, വേദിയിലുണ്ടായിരുന്ന പ്രമുഖ കോൺഗ്രസ് നേതാവ് രാഹുൽ ഗാന്ധിയെയും കെട്ടിപ്പിടിച്ച് അനുഗ്രഹിക്കാനും ഈ അമ്മയ്ക്ക് സാധിച്ചു.
