മുന്നിൽ വന്ന് വീണ സാധനം പൊട്ടിത്തെറിച്ചതും, അത് ബോംബാണെന്ന് കരുതി വിജയ് അമാന്തിച്ചില്ല; സൈക്കിൾ അവിടെ തന്നെ ഉപേക്ഷിച്ച് ജീവനും കൊണ്ട് ഒരു ഓട്ടമായിരുന്നു! പഴയൊരു വീഡിയോയിലെ "അമ്മേ പാമ്പ്" എന്ന് പറഞ്ഞ് ഓടുന്ന പയ്യനെ ഓർമ്മിപ്പിക്കും വിധമുള്ള ആ ഓട്ടം കണ്ട് കൂടെയുള്ളവർ ചിരിച്ചു തുടങ്ങിയപ്പോഴാണ് ദളപതിക്ക് കാര്യം പിടികിട്ടിയത്. സംഭവം ബോംബൊന്നുമല്ല, ഇഷ്ടതാരത്തിന് നൽകാൻ ആരാധകൻ പൂക്കൾ കൊണ്ട് ഉണ്ടാക്കിയ ഒരു സ്പെഷ്യൽ പന്തായിരുന്നു അത്. നിലത്തു വീണപ്പോൾ അത് പൂക്കളായി ചിതറിത്തെറിച്ചു എന്ന് മാത്രം.
സിനിമയിലെ ആക്ഷൻ ഹീറോയുടെ ഈ പേടി കലർന്ന ഓട്ടം കണ്ടതോടെ സോഷ്യൽ മീഡിയയിൽ ട്രോളുകളും സജീവമായി കഴിഞ്ഞു. എന്തായാലും ആരാധകന്റെ സ്നേഹപ്രകടനവും ദളപതിയുടെ തിരിച്ചോട്ടവും ചേർന്ന് വോട്ടർമാർക്ക് ഒരു ഒന്നാന്തരം 'കോമഡി വിരുന്ന്' തന്നെ സമ്മാനിച്ചു.
