തെലങ്കാന കാമറെഡ്ഡി ടൗണ് ഗോസാങ്കി കോളനി സ്വദേശിയായ കോദൻദം ശിവാജിയാണ് (28) കൊല്ലപ്പെട്ടത്.
കഴിഞ്ഞ ദിവസം രാത്രി ഒമ്പതോടെയാണ് സംഭവം. ചിക്കൻ കറിയില്ലെന്നറിഞ്ഞ ശിവാജി ഭാര്യ ലക്ഷ്മിയോട് തട്ടിക്കയറി. പ്രശ്നമായതോടെ അയല്പ്പക്കത്തുള്ള ബന്ധുക്കളെത്തി ഇരുവരെയും അനുനയിപ്പിച്ചു. എന്നാല് പിന്നീടും തർക്കമുണ്ടായി.
തന്റെ ഇഷ്ടത്തിനനുസരിച്ച് ഭക്ഷണമുണ്ടാക്കുന്നില്ലെന്ന് ശിവാജി കുറ്റപ്പെടുത്തി. മറ്റ് പ്രശ്നങ്ങള് കൂടി എടുത്തിട്ടതോടെ തർക്കം കടുത്തു. ഇതിനിടെ ലക്ഷ്മി അരിവാളെടുത്ത് ശിവാജിയുടെ കഴുത്തിന് വെട്ടി. വീഴ്ചയില് ശിവാജിയുടെ തല നിലത്തിടിച്ച് രക്തം വാർന്നൊഴുകി. ആശുപത്രിയിലെത്തിച്ചെങ്കിലും മരിച്ചു. ലക്ഷ്മിയെ അറസ്റ്റ് ചെയ്തു. ഇവർക്ക് രണ്ട് പെണ്കുട്ടികളുണ്ട്.
