മൂല്യനിര്ണയം പൂര്ത്തീകരിച്ച ശേഷം, മിനിമം മാര്ക്ക് നേടാത്തവര്ക്ക് സ്കൂളില് 20 മുതല് 27 വരെ ഒരാഴ്ച അധ്യാപകര് പഠനപിന്തുണ നല്കണം. രണ്ടാം പരീക്ഷ പൂര്ത്തിയാക്കിയ ശേഷം മേയ് രണ്ടിന് സ്കൂള് വാര്ഷിക പരീക്ഷാഫലം പ്രഖ്യാപിക്കണം. എഴുതാനും വായിക്കാനും അറിയാത്തവര് പത്താം ക്ലാസില് എ പ്ലസ് നേടുന്നതായി വിമര്ശനം ഉയര്ന്നതിനെത്തുടര്ന്നാണ് നിലവാരം ഉറപ്പാക്കാന് മിനിമം മാര്ക്ക് നിശ്ചയിച്ചത്. ആദ്യഘട്ടമായി കഴിഞ്ഞ അധ്യയനവര്ഷം എട്ടാംക്ലാസില് ഇത് ഏര്പ്പെടുത്തി. ഈ അധ്യയനവര്ഷം ഒന്പതാം ക്ലാസിലും നിര്ബന്ധമാക്കി. ഇതിനു പുറമേയാണ് അഞ്ചു മുതലുള്ള ക്ലാസുകളില് മിനിമം മാര്ക്കില്ലാത്തവര്ക്ക് പുനപരീക്ഷ നടത്താനുള്ള നിര്ദേശം.
