ഒരു രൂപയുടെ നോട്ടും കയ്യിലേന്തി പുലർച്ചെ എത്തിയവരെ നിരാശരാക്കി കൊണ്ട്, നിശ്ചയിച്ചതിലും മുൻപേ ഓഫർ തീർന്നുവെന്ന് കടക്കാർ അറിയിച്ചതാണ് പ്രശ്നങ്ങൾക്ക് തുടക്കമിട്ടത്. നേരം വെളുക്കുന്നതിന് മുൻപ് തന്നെ ആൾക്കൂട്ടം നിയന്ത്രിക്കാനാവാത്ത വിധം വർദ്ധിച്ചതോടെ പ്രദേശത്ത് ഉന്തും തള്ളും തിരക്കും അനുഭവപ്പെട്ടു.
തിരക്ക് പരിധി വിട്ടതോടെ സ്ഥിതിഗതികൾ നിയന്ത്രിക്കാൻ പൊലീസിന് ലാത്തി വീശേണ്ടി വന്നു. തങ്ങളെ പറ്റിച്ചതാണെന്നും നേരത്തെ എത്തിയവർക്ക് ഓഫർ നൽകിയില്ലെന്നും ആരോപിച്ച് യുവാക്കൾ പൊലീസിനെതിരെ മുദ്രാവാക്യം വിളിച്ചതോടെ രംഗം കൂടുതൽ വഷളായി. ഒടുവിൽ കട തൽക്കാലം തുറക്കില്ലെന്ന് ബോർഡ് വെച്ച പൊലീസ്, കടയുടമകളെ കസ്റ്റഡിയിലെടുത്തു. വൻ ലാഭത്തിനായി നൽകുന്ന ഇത്തരം സോഷ്യൽ മീഡിയ ഓഫറുകൾ എങ്ങനെ ക്രമസമാധാന പ്രശ്നങ്ങളിലേക്ക് നീങ്ങുന്നു എന്നതിന്റെ നേർക്കാഴ്ചയാണിന്ന് കോഴിക്കോട്ട് കണ്ടത്.
