രാജ്യത്താതെ പാചകവാതക പ്രതിസന്ധിയില് ആശങ്ക തുടരുകയാണ്. നിലവില് പ്രതിസന്ധി ഇല്ലെന്നാണ് കേന്ദ്രസര്ക്കാര് വാദം. എല്പിജിയുടെ ആഭ്യന്തര ഉല്പാദനം 28 ശതമാനം വര്ദ്ധിപ്പിച്ചതായി കേന്ദ്ര സര്ക്കാര് അറിയിച്ചു. എന്നാല് പല സംസ്ഥാനങ്ങളിലും ഹോട്ടലുകള് അടക്കം അടച്ച് പൂട്ടലിന്റെ വക്കിലാണ്.അതിനിടെ പ്രധാനമന്ത്രി നരേന്ദ്രമോദി ഇറാന് പ്രസിഡന്റ് ഡോ. മസൂദ് പെസെഷ്കിയാനുമായി ചര്ച്ച നടത്തി.സംഘര്ഷം തുടരുന്നതിലും സാധാരണക്കാരുടെ ജീവന് നഷ്ടമാകുന്നതിലും പ്രധാനമന്ത്രി ആശങ്ക അറിയിച്ചു.ഇന്ത്യന് പൗരന്മാരുടെ സുരക്ഷയും ചരക്കുകളുടെ തടസ്സമില്ലാത്ത ഗതാഗതവും രാജ്യത്തിന് മുന്ഗണന എന്നും പ്രധാനമന്ത്രി വ്യക്തമാക്കി. അതേസമയം ഹോര്മുസ് കടലിടുക്ക് വഴി ഇന്ത്യയുടെ എണ്ണ കപ്പലുകള് സുരക്ഷിതമായി കടന്നു പോകുന്നതിന് ഇന്ത്യ ഇറാനുമായി ചര്ച്ചകള് തുടരുകയാണ്.
