പുറക്കാട്ടിരിയെ സങ്കടക്കടലിലാഴ്ത്തി അവർ യാത്രയായി
പുറക്കാട്ടിരി:
പുറക്കാട്ടിരി ഫാത്തിമ മഹലിൽ റാഫിയും(57) മകൾ ഫാത്തിമ നേഹയും (19) ഇന്ന് വൈകിട്ട് വെള്ളിമാടുകുന്ന് എൻജിഒ ക്വട്ടേഴ്സിന് സമീപമുണ്ടായ അപകടത്തിൽ ദാരുണമായി മരണപ്പെട്ടു. JDT കോളജിലെ വിദ്യാർത്ഥിനിയായ ഫാത്തിമ നേഹയുടെ അകാലവിയോഗം പ്രദേശത്തെ മുഴുവൻ ജനതയെയും ആഴത്തിലുള്ള ദുഃഖത്തിലും ഞെട്ടലിലുമാഴ്ത്തിയിരിക്കുകയാണ്.
പ്രദേശത്ത് ഇതുപോലൊരു മരണസംഭവം മുൻപുണ്ടായിട്ടില്ലെന്ന് നാട്ടുകാർ പറയുന്നു. അതിനാൽ തന്നെ ഈ വാർത്ത വലിയ ഞെട്ടലോടെയാണ് പുറക്കാട്ടിരിയും പരിസര പ്രദേശങ്ങളും ഏറ്റുവാങ്ങുന്നത്. സ്കൂട്ടർ നിയന്ത്രണം വിട്ട് റോഡരികിലെ താഴ്ചയിലേക്ക് മറിഞ്ഞതാണ് അപകടകാരണമെന്ന് പ്രാഥമിക വിവരം.
ഭാര്യ: ജിസാറ
മക്കൾ: റഫ്ന, റസൽ(മലേഷ്യ)
മരുമകൻ: ആദിൽ കക്കോടി(കുവൈത്ത്)
കുവൈറ്റിലുള്ള മൂത്ത മകളുടെ അടുത്തേക്ക് കഴിഞ്ഞ ആഴ്ച യാത്ര ചെയ്തിരുന്ന ഉമ്മ നാളെ തിരിച്ചെത്തുമ്പോൾ ഉറ്റവരുടെ ചേതനയറ്റ ശരീരങ്ങളാണ് കാണേണ്ടിവരുന്നത് എന്ന വേദനാജനകമായ സാഹചര്യവും ഈ ദുരന്തത്തെ കൂടുതൽ ഹൃദയഭേദകമാക്കുന്നു..
മരണപ്പെട്ടവർക്ക് വേണ്ടി...
പ്രാർത്ഥന...
