സഞ്ജുവിനൊപ്പം ബാറ്റിങ് ഓപ്പൺ ചെയ്ത അഭിഷേക് ശർമ 12 പന്തിൽ രണ്ട് സിക്സറും മൂന്ന് ഫോറുകളും അടക്കം 27 റൺസ് നേടി ക്രീസിലുണ്ട്. ഇഷാൻ കിഷൻ കൂടെയുണ്ട്.
ടോപ് ഓർഡറിൽ ആദ്യ മൂന്ന് സ്ഥാനങ്ങളിലും ഇടം കയ്യൻ ബാറ്റർമാർ ഇറങ്ങുന്നത് പരാജയമായതോടെയാണ് സഞ്ജുവിനെ ഇറക്കാൻ ടീം മാനേജ്മെന്റ് തീരുമാനിച്ചത്. വാഷിങ്ടൺ സുന്ദറിന് പകരം അക്സർ പട്ടേൽ തിരിച്ചെത്തി. മറ്റ് മാറ്റങ്ങളില്ല.
സൂപ്പർ എട്ടിലെ ആദ്യ മത്സരത്തിൽ ദക്ഷിണാഫ്രിക്കയോട് ഏറ്റുവാങ്ങേണ്ടിവന്ന ദയനീയ പരാജയം ഇന്ത്യയുടെ സെമി സാധ്യതകൾക്ക് തിരിച്ചടിയായിട്ടുണ്ട്. സിംബാബ്വെയ്ക്കെതിരെ വലിയ മാർജിനിലുള്ള വിജയത്തിൽ കുറഞ്ഞതൊന്നും ഇന്ത്യയെ തുണക്കില്ല.
