വീട്ടിലെ എലിശല്യം രൂക്ഷമായതിനെത്തുടർന്ന് വിഷം വയ്ക്കാൻ ശ്രമിക്കുകയായിരുന്നു ശോഭന. ഈ സമയത്ത് കുപ്പിയിൽ നിന്നും വിഷം തെറിച്ച് അടുത്തുണ്ടായിരുന്ന ഗ്ലാസിൽ വീണു. ഇത് ശ്രദ്ധിക്കാതെ ശോഭന ആ ഗ്ലാസിൽ നിന്നും വെള്ളം കുടിച്ചതാണ് അപകടത്തിന് കാരണമായത്. ഉടൻ തന്നെ ദേഹാസ്വാസ്ഥ്യം അനുഭവപ്പെട്ട ശോഭനയെ ബന്ധുക്കൾ ചേർന്ന് ആശുപത്രിയിൽ എത്തിച്ചു..
ആദ്യം മംഗളൂരുവിലെയും പിന്നീട് കണ്ണൂരിലെയും സ്വകാര്യ ആശുപത്രികളിൽ പ്രവേശിപ്പിച്ചെങ്കിലും ആരോഗ്യനില വഷളായതോടെ കോഴിക്കോട് മെഡിക്കൽ കോളജിലേക്ക് മാറ്റുകയായിരുന്നു. വിദഗ്ധ ചികിത്സ നൽകിയെങ്കിലും ജീവൻ രക്ഷിക്കാനായില്ല. സംഭവത്തിൽ രാജപുരം പോലീസ് അസ്വാഭാവിക മരണത്തിന് കേസെടുത്തിട്ടുണ്ട്. ബന്ധുക്കളുടെ മൊഴി രേഖപ്പെടുത്തിയ ശേഷം പോലീസ് തുടർനടപടികൾ സ്വീകരിച്ചു വരുന്നു..
'വീടുകളിൽ എലിവിഷം പോലുള്ള മാരകമായ വിഷാംശങ്ങൾ കൈകാര്യം ചെയ്യുമ്പോൾ അതീവ ജാഗ്രത പാലിക്കുക. ഭക്ഷണസാധനങ്ങളിൽ നിന്നോ കുടിവെള്ളത്തിൽ നിന്നോ സുരക്ഷിതമായ അകലത്തിൽ മാത്രം ഇത്തരം വസ്തുക്കൾ ഉപയോഗിക്കാൻ ശ്രദ്ധിക്കുക'
