പരിഭ്രാന്തനായി കരഞ്ഞുകൊണ്ട് ട്രെയിനിന് പിന്നാലെ ഓടാൻ ശ്രമിച്ച കുട്ടിയെ രക്ഷിച്ചത് റെയിൽവേ പോലീസ് ഉദ്യോഗസ്ഥനായ ശ്രീകാന്തിന്റെ കൃത്യസമയത്തുള്ള ഇടപെടലാണ്. പരിഭ്രമിച്ച് ഓടുന്ന കുട്ടിയെ കണ്ടയുടൻ ശ്രീകാന്ത് അരികിലെത്തുകയും വിവരങ്ങൾ ചോദിച്ചറിയുകയും ചെയ്തു. കുട്ടിയുടെ കയ്യിലുണ്ടായിരുന്ന ഭാരമേറിയ ട്രോളി ബാഗും പ്ലാറ്റ്ഫോമിലെ തിരക്കും വലിയൊരു അപകടത്തിന് വഴിവെച്ചേക്കാം എന്ന് മനസ്സിലാക്കിയ അദ്ദേഹം കുട്ടിയെ ചേർത്തുപിടിച്ചു.
കുട്ടി നൽകിയ ഫോൺ നമ്പറിൽ ഉടൻ തന്നെ ശ്രീകാന്ത് ബന്ധപ്പെട്ടു. വന്ദേഭാരതിലെ സി-5 കോച്ചിനുള്ളിലായിരുന്ന മാതാപിതാക്കൾ അപ്പോഴാണ് തങ്ങളുടെ കുഞ്ഞ് കൂടെയില്ലെന്ന വിവരം ഞെട്ടലോടെ തിരിച്ചറിഞ്ഞത്. ഉടൻ തന്നെ ഗാർഡിനെ വിവരമറിയിക്കുകയും ട്രെയിൻ ചങ്ങല വലിച്ചു നിർത്തുകയും ചെയ്തു. തുടർന്ന് സുരക്ഷിതമായി കുട്ടിയെ മാതാപിതാക്കളുടെ അടുത്തെത്തിച്ച ശ്രീകാന്തിന്റെ ഈ കരുതലിനും ധീരതയ്ക്കും സോഷ്യൽ മീഡിയയിൽ വലിയ കൈയടിയാണ് ലഭിക്കുന്നത്.
പൊതുജനങ്ങളുടെ സുരക്ഷയ്ക്കായി എപ്പോഴും ജാഗ്രതയോടെ നിലകൊള്ളുന്ന കേരള പോലീസിലെ ഇത്തരം ഉദ്യോഗസ്ഥർ നമുക്ക് അഭിമാനമാണ്.
