ബ്രഹ്മകുളം എ.ആർ.എസ് ലൈറ്റ് ആൻഡ് സൗണ്ടിലെ ജീവനക്കാരനായ വിപിൻ, തന്റെ ജോലിയിൽ വ്യാപൃതനായിരിക്കെയാണ് ആ മാരകമായ ഷോക്ക് ഏറ്റത്. നിമിഷങ്ങൾക്കുള്ളിൽ ഗുരുവായൂർ ഫയർഫോഴ്സ് സംഘം സ്ഥലത്തെത്തി സി.പി.ആർ നൽകി ജീവൻ തിരിച്ചുപിടിക്കാൻ പരമാവധി ശ്രമിച്ചെങ്കിലും ആ പോരാട്ടം ഫലം കണ്ടില്ല.
ചെമ്മണ്ണൂർ മമ്പ്രമ്പത്ത് വീട്ടിൽ നിന്നും സ്വപ്നങ്ങളുമായി ജോലിക്ക് ഇറങ്ങിയ വിപിന്റെ വേർപാട് വിശ്വസിക്കാനാവാതെ കുടുംബവും സഹപ്രവർത്തകരും വിതുമ്പുകയാണ്. നാടിന് വെളിച്ചം നൽകാൻ നടന്ന ആ ചെറുപ്പക്കാരൻ ഇത്ര വേഗം മടങ്ങുമെന്ന് ആരും കരുതിയിരുന്നില്ല. ഗുരുവായൂർ പോലീസ് സ്ഥലത്തെത്തി തുടർ നടപടികൾ സ്വീകരിച്ചു. പ്രിയപ്പെട്ട വിപിന് കണ്ണീരോടെ വിട...
