പോത്തൻകോട്: ചന്തവിളയിൽ ബൈക്കും മിനിലോറിയും കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. കണിയാപുരം സ്വദേശി സുധി സുലൈമാൻ (28) ആണ് മരിച്ചത്. ബൈക്കിലുണ്ടായിരുന്ന രണ്ടാമത്തെയാൾക്ക് ഗുരുതരമായി പരിക്കേറ്റു.
മിൽമ വാനുമായി കൂട്ടിയിടിച്ചു
വെളുപ്പിന് രണ്ടരയോടെ കാട്ടായിക്കോണം മേലേ ചന്തവിളയിലായിരുന്നു അപകടം. വെട്ടുറോഡ് ഭാഗത്തുനിന്നും പോത്തൻകോട്ടേക്ക് വരികയായിരുന്ന ഡ്യൂക്ക് ബൈക്ക് നിയന്ത്രണം വിട്ട് എതിരെ വന്ന മിൽമയുടെ പിക്കപ്പ് വാനിൽ ഇടിക്കുകയായിരുന്നു. അമിത വേഗതയാണ് അപകടത്തിന് കാരണമായതെന്ന് പ്രാഥമിക നിഗമനം.
രക്ഷാപ്രവർത്തനം
അപകടം നടന്ന ഉടൻ തന്നെ നാട്ടുകാരും പോലീസും ചേർന്ന് ഇരുവരെയും ആശുപത്രിയിൽ എത്തിച്ചെങ്കിലും സുധി സുലൈമാന്റെ ജീവൻ രക്ഷിക്കാനായില്ല. പരിക്കേറ്റ യുവാവ് ആശുപത്രിയിൽ ചികിത്സയിൽ തുടരുകയാണ്
