*പ്രതിമാസം 15 കിലോലിറ്റർ (15,000 ലിറ്റര്) വരെ മാത്രം ജല ഉപഭോഗമുള്ള ബിപിഎൽ വിഭാഗത്തിൽപ്പെടുന്നവർക്കാണ് ആനുകൂല്യം അനുവദിക്കുന്നത്.*
*2026-ൽ ബി.പി.എല്. ആനുകൂല്യം ലഭിക്കുന്നതിനായി, നിലവില് ആനുകൂല്യം ലഭിച്ചുകൊണ്ടിരിക്കുന്നവരും പുതുതായി ആനുകൂല്യം ആവശ്യമുള്ളവരും അപേക്ഷകള് 2026 ജനുവരി 31-ന് മുൻപ് ഓണ്ലൈന് ആയി അപേക്ഷ നൽകണം.*
*ഉപഭോക്താക്കളുടെ വിവരങ്ങള് സിവില് സപ്ലൈസ് വെബ്സൈറ്റിലെ റേഷന് കാര്ഡ് വിവരങ്ങളുമായി താരതമ്യം ചെയ്ത ശേഷം അര്ഹതയുള്ളവര്ക്ക് ആനുകൂല്യം അനുവദിക്കും. വാട്ടർ ചാർജ് കുടിശ്ശികയുള്ളവരും പ്രവർത്തനരഹിതമായ മീറ്റർ ഉള്ളവരും ജനുവരി 31-നു മുൻപ് അപേക്ഷ കുടിശ്ശിക അടച്ചുതീർക്കുകയും കേടായ മീറ്റർ മാറ്റി സ്ഥാപിക്കുകയും ചെയ്താൽ മാത്രമേ അപേക്ഷ പരിഗണിക്കുകയുള്ളൂ.*
*ഈ വർഷം മുതൽ വാടകവീടുകളിൽ താമസിക്കുന്നവർക്കും ബി.പി.എല്. ആനുകൂല്യം അനുവദിക്കും. ഈ വിഭാഗത്തില്പ്പെട്ട ഉപഭോക്താക്കള് അപേക്ഷയോടൊപ്പം വാടകക്കരാറിന്റെ പകര്പ്പും വീട്ടുടമസ്ഥന്റെ സമ്മതപത്രവും ഓണ്ലൈന് പോര്ട്ടലില് അപ്ലോഡ് ചെയ്യണം. കൂടുതൽ വിവരങ്ങൾക്ക് ബന്ധപ്പെട്ട വാട്ടർ അതോറിറ്റി സെക്ഷൻ ഓഫീസ് സന്ദർശിക്കുകയോ ടോൾഫ്രീ നമ്പരായ 1916-ൽ വിളിക്കുകയോ ചെയ്യാം.*
*ഓൺലൈൻ അപേക്ഷ സമർപ്പിക്കുന്നതിനായി അക്ഷയ കേന്ദ്രം സന്ദർശിക്കുക.*
