കിളിമാനൂർ പുളിമാത്ത് കൊഴു വഴന്നൂർ തപ്പിയാത്ത് ഹസിലുദീൻ (50) അബ്ഹയിലെ അസീർ ഹോസ്പിറ്റലിൽ മരണപ്പെട്ടു. കഴിഞ്ഞ ബുധനാഴ്ച ജോലി സ്ഥലമായ ബീഷയിൽ വെച്ച് പക്ഷാഘാതം വന്നതിനെ തുടർന്ന് ബീഷ ജനറൽ ഹോസ്പിറ്റലിലും അവിടെ നിന്ന് അസീർ സെൻ്റർ ഹോസ്പിറ്റലിലും എത്തിച്ചു. സർജറി അടക്കം ഉള്ള ചികിത്സ നൽകി എങ്കിലും കഴിഞ്ഞ ദിവസം മരണപ്പെടുകയായിരുന്നു.
23 വർഷമായി സൗദി ഇലട്രിസിറ്റി കമ്പനിയുടെ കീഴിൽ ജോലി നോക്കിവരുകയായിരുന്നു.ഏപ്രിൽ മാസത്തിൽ നാട്ടിൽ നിന്ന് ലീവ് കഴിഞ്ഞ് മടങ്ങിവന്നത്.കൊല്ലം കടയ്ക്കൽ പഞ്ചായത്ത് മെമ്പറും സി.പി.എം നേതാവുമായ കടയിൽ സലീമിൻ്റെ മകളുടെ ഭർത്താവ് ആണ്.ഭാര്യ:സുമിന, മക്കൾ:ഫയിഹ ഫാത്തിമ,ഫർസാൻ മുഹമ്മദ്.
