തിരുവനന്തപുരം: വോട്ടര്പട്ടിക തീവ്ര പരിഷ്കരണത്തില് എന്യൂമറേഷന് ഫോം പൂരിപ്പിച്ചുനല്കേണ്ട സമയം ഇന്ന് അവസാനിക്കും. കരട് വോട്ടര്പട്ടിക 23ന് പ്രസിദ്ധീകരിക്കും. അതേസമയം വിതരണം ചെയ്ത ഫോമുകളില് 99.9 ശതമാനത്തോളവും പൂരിപ്പിച്ചുകിട്ടിയെന്ന് തിരഞ്ഞെടുപ്പ് കമ്മീഷന് അറിയിച്ചു. മുമ്പ് വോട്ടര് പട്ടികയിലുണ്ടായിരുന്ന 25 ലക്ഷത്തിലേറെപ്പേരെ കണ്ടെത്താനായില്ലെന്ന് കമ്മീഷന് അറിയിച്ചു. ബിഎല്എമാര് ഇവരെ കണ്ടെത്താന് ശ്രമിക്കും. കണ്ടെത്താനായില്ലെങ്കില് കരട് പട്ടികയില് ഉണ്ടാവില്ല. ഫോം പൂരിപ്പിച്ചു നല്കിയവരെല്ലാം കരട് പട്ടികയില് ഉണ്ടാകും.
