സ്ഥിരം ക്യാപ്റ്റന്‍ ശുഭ്മന്‍ ഗില്ലും വൈസ് ക്യാപ്റ്റന്‍ ശ്രേയസ് അയ്യരും പരിക്കേറ്റ് പുറത്തായതിനാല്‍ കെ എല്‍ രാഹുലാണ് ഇന്ത്യയെ നയിക്കുക. രാഹുല്‍ വിക്കറ്റ് കീപ്പര്‍ ആയതിനാല്‍ ഋഷഭ് പന്തിന്റെ സ്ഥാനം അനിശ്ചിതത്വത്തിലായി. രോഹിതും യശസ്വി ജയ്‌സ്വാളും ചേര്‍ന്നാണ് ഓപ്പണ്‍ ചെയ്യുക. വണ്‍ഡൗണായി കോഹലിയുണ്ട്. മറ്റൊരു ഓപ്പണര്‍ ഋതുരാജ് ഗെയ്ക്വാദും ടീമിലുണ്ട്. ഋതുരാജിന് സീനിയര്‍ ടീമില്‍ മതിയായ അവസരം കിട്ടിയില്ലെന്ന ആലോചന ടീം മാനേജ്‌മെന്റിനുണ്ട്. അതുകൊണ്ട് നാലാം നമ്പറില്‍ അദ്ദേഹത്തെ പരിഗണിച്ചു കൂടായ്കയില്ല. തിലക് വര്‍മ, ഋഷഭ് പന്ത് എന്നിവരും ഈ സ്ഥാനത്തേക്ക് പരിഗണനയിലുണ്ട്. സ്പിന്നിന് അനുഗുണമായ റാഞ്ചിയിലെ പിച്ചില്‍ സ്പിന്‍ ഓള്‍റൗണ്ടര്‍മാരായ വാഷിങ്ടണ്‍ സുന്ദര്‍, രവീന്ദ്ര ജഡേജ എന്നിവര്‍ക്കാണ് മുന്‍തൂക്കം. സ്‌പെഷലിസ്റ്റ് സ്പിന്നര്‍ കുല്‍ദീപ് യാദവും ഇടംപിടിക്കുമോ എന്നാണ് അറിയേണ്ടത്. ജസ്പ്രീത് ബുംറയ്ക്കും മുഹമ്മദ് സിറാജിനും വിശ്രമം അനുവദിച്ചതിനാല്‍ അര്‍ഷ്ദീപ് സിങ്, പ്രസിദ്ധ് കൃഷ്ണ എന്നിവര്‍ക്കായിരിക്കും പേസ് വിഭാഗത്തിന്റെ നേതൃത്വം. ഹര്‍ഷിത് റാണ, പേസ് ഓള്‍റൗണ്ടര്‍ നിധീഷ് കുമാര്‍ റെഡ്ഡി എന്നിവരും ടീമിലുണ്ട്. ഏകദിനത്തില്‍ ഇന്ത്യ ഒന്നാം റാങ്കിലും ദക്ഷിണാഫ്രിക്ക ആറാമതുമാണ്. ആതിഥേയരുമായി താരതമ്യമില്ലെങ്കിലും ഇക്കഴിഞ്ഞ ടെസ്റ്റ് പരമ്പരയില്‍ ഇന്ത്യയെ 2-0ത്തിന് മറികടന്നതിന്റെ ആത്മവിശ്വാസം ദക്ഷിണാഫ്രിക്കയ്ക്കുണ്ട്. തെംബ ബവുമ നയിക്കുന്ന ടീമില്‍ പേസ് കരുത്തനായ കാഗിസോ റബാഡയില്ല. പകരം മാര്‍ക്കോ യാന്‍സന്‍, ലുങ്കി എന്‍ഗിഡി, നാന്ദ്രെ ബര്‍ഗര്‍ എന്നിവര്‍ക്കാകും ചുമതല. സ്പിന്‍ വിഭാഗത്തില്‍, ടെസ്റ്റില്‍ ഇന്ത്യയെ കുഴക്കിയ കേശവ് മഹാരാജുണ്ട്.
ഒടുവിൽ വിവരം കിട്ടുമ്പോൾ സൗത്താഫ്രിക്ക Toss വിജയച്ച് ബൗൾ ചെയ്യാൻ തീരുമാനിച്ചു..
