പാലായില്‍ കാറും സ്‌കൂട്ടറുകളും കൂട്ടിയിടിച്ച് രണ്ടു പേര്‍ മരിച്ചു. പാല തൊടുപുഴ ഹൈവേയില്‍ മുണ്ടാങ്കല്‍ പള്ളിക്കു സമീപം രാവിലെ ഒന്‍പതരയോടെയാണ് അപകടം നടന്നത്. പാലയില്‍ നിന്ന് തൊടുപുഴയിലക്ക് പോവുന്ന കാറാണ് എതിരെ വന്ന സ്‌കൂട്ടറുകളെ ഇടിച്ചത്. പ്രവിത്താനം അല്ലപ്പാറ പാലക്കുഴക്കുന്നേല്‍ സുനിലിന്റെ ഭാര്യ ജോമോള്‍ (35), മേലുകാവ് നല്ലംകുഴിയില്‍ സന്തോഷിന്റെ ഭാര്യ ധന്യ (38) എന്നിവരാണ് മരിച്ചത്. അപകടത്തില്‍ ജോമോളുടെ മകള്‍ അന്നമോള്‍ക്ക് (12) പരിക്കേറ്റിട്ടുണ്ട്. കുട്ടി പാലായിലെ സ്വകാര്യ ആശുപത്രിയില്‍ ചികിത്സയിലാണ്.
പാലാ സെന്റ് മേരീസ് സ്‌കൂളില്‍ ആറാം ക്ലാസ്സ് വിദ്യാര്‍ത്ഥിനിയാണ്. ധന്യ പാലയിലെ സ്വകാര്യ ബാങ്കില്‍ ജീവനക്കാരിയാണ്. ധന്യയുടെ മക്കള്‍: ശ്രീനന്ദന്‍, ശ്രീഹരി.
