വ്യാജ വെളിപ്പെടുത്തല് ആണ് ഇയാള് നടത്തിയത് എന്ന് കണ്ടെത്തിയതിനെ തുടർന്നാണ് അറസ്റ്റ് ചെയ്തത്. അറസ്റ്റിലായ ആളുടെ പേര്, വിവരങ്ങള് അടക്കം അന്വേഷണ സംഘം പുറത്തുവിട്ടു. ധര്മസ്ഥലയിലെ പരാതിക്കാരന് സി എന് ചിന്നയ്യ ആണ്. ഇയാള്ക്കുള്ള എവിഡന്സ് പ്രൊട്ടക്ഷന് സംരക്ഷണം പൊലീസ് പിൻവലിച്ചതായി അറിയിച്ചു. വ്യാജ പരാതി നല്കല്, അന്വേഷണ സംഘത്തെ തെറ്റിദ്ധരിപ്പിക്കല് എന്നീ കുറ്റങ്ങള് ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്.
അതേസമയം മകളെ ധര്മസ്ഥലയില് കാണാതായെന്ന് പൊലീസിൽ പരാതി നല്കിയ സുജാത ഭട്ടാണ് പുതിയ വെളിപ്പെടുത്തൽ നടത്തിയിരുന്നു. മകളെ കാണാനില്ലെന്ന് പറഞ്ഞത് ഭീഷണിക്ക് വഴങ്ങിയാണെന്നാണ് പുതിയ വെളിപ്പെടുത്തല്. തനിക്ക് അനന്യ ഭട്ട് എന്നൊരു മകളില്ലെന്നും ഭീഷണിക്ക് വഴങ്ങിയാണ് ധര്മസ്ഥലയില് മകളെ കാണാനില്ലെന്ന് പരാതി നല്കിയതെന്നും സുജാത ഭട്ട് പറഞ്ഞു.
