പദ്ധതിയുടെ ആനുകൂല്യം ലഭിക്കുന്നതിന് കര്‍ഷകര്‍ അവരുടെ ബാങ്ക് അക്കൗണ്ടുകള്‍ ആധാറുമായി ബന്ധിപ്പിക്കേണ്ടതാണ്.
*കൃഷി ഭൂമി സംബന്ധിച്ച വിവരങ്ങള്‍*
*ReLIS പോര്‍ട്ടലില്‍ ഉള്ളവര്‍*
പി.എം കിസാന്‍ ഗുണഭോക്താക്കള്‍, അവരവരുടെ സ്വന്തം കൃഷി ഭൂമിയുടെ വിവരങ്ങള്‍ സമര്‍പ്പിക്കേണ്ടതുണ്ട്. ഇതിനായി സംസ്ഥാന കൃഷി വകുപ്പിന്റെ 'എയിംസ് '(AIMS ) പോര്‍ട്ടലില്‍ സൗകര്യം ഒരുക്കിയിട്ടുണ്ട്. പി.എം കിസാന്‍ ആനുകൂല്യം തുടര്‍ന്ന് ലഭ്യമാകുന്നതിനായി എല്ലാ പി.എം കിസാന്‍ ഗുണഭോക്താക്കളും എയിംസ് പോര്‍ട്ടലില്‍ സ്വന്തം പേരിലുള്ള ഭൂമിയുടെ വിവരങ്ങള്‍ അടിയന്തരമായി ചേര്‍ക്കേണ്ടതാണ്.
*ReLIS പോര്‍ട്ടലില്‍ ഇല്ലാത്തവര്‍*
പോര്‍ട്ടലില്‍ ഇല്ലാത്ത ഗുണഭോക്താക്കള്‍ക്ക് അവരുടെ അപേക്ഷയും സ്ഥല വിവരങ്ങള്‍ - പട്ടയം/ ആധാരം/വനാവകാശ രേഖ എന്നിവ നേരിട്ട് കൃഷി ഭവനില്‍ സമര്‍പ്പിക്കേണ്ടതാണ്.
*e-KYC പൂര്‍ത്തീകരിക്കല്‍*
പി.എം കിസാനില്‍ രജിസ്റ്റര്‍ ചെയ്ത കര്‍ഷകര്‍ക്ക് e-KYC നിര്‍ബന്ധമാക്കിയിട്ടുണ്ട്. ആയതിനാല്‍ എല്ലാ പി.എം കിസാന്‍ ഗുണഭോക്താക്കളും 2022 ഡിസംബര്‍ 31ന് മുന്‍പായി നേരിട്ട് പി.എം കിസാന്‍ പോര്‍ട്ടല്‍ വഴിയോ സി.എസ്.സി തുടങ്ങിയ ജനസേവന കേന്ദ്രങ്ങള്‍ വഴിയോe-KYC ചെയ്യേണ്ടതാണ്.
4) Direct Benefit Transfer ലഭിക്കുന്നതിനായി എല്ലാ പി.എം കിസാന്‍ ഗുണഭോക്താക്കളും അവരവരുടെ ബാങ്ക് അക്കൗണ്ട് ബാങ്കുമായി ചേര്‍ന്ന് സജ്ജീകരിക്കേണ്ടതാണ്.
5) ഇതുവരെയും പി.എം കിസാന്‍ പദ്ധതിയില്‍ ചേര്‍ന്നിട്ടില്ലാത്ത അര്‍ഹതയുള്ള കര്‍ഷകര്‍ സ്വന്തമായോ, പൊതു സേവന കേന്ദ്രങ്ങള്‍ എന്നിവ വഴിയോ ഓണ്‍ലൈന്‍ അപേക്ഷ സമര്‍പ്പിക്കേണ്ടതാണ്.
