അശ്ലീലചിത്രം ലഭിച്ചു. സ്‌കൂള്‍ അധികൃതര്‍ വീണ്ടും പരാതിപ്പെട്ടതോടെയാണ് പോലീസ് അനങ്ങിയത്. രണ്ടാമത് ഉപയോഗിച്ച ഇന്‍സ്റ്റഗ്രാം അക്കൗണ്ടില്‍നിന്ന് 21-ന് പ്രതിയെ കണ്ടെത്തി. സ്‌കൂളിലെ മുന്‍ വിദ്യാര്‍ഥിയും ഇപ്പോള്‍ നഗരത്തിലെ സ്‌കൂളില്‍ പ്ലസ് വണ്ണിനു പഠിക്കുന്നതുമായ വ്യക്തിയാണ് അശ്ലീലചിത്രം ഉണ്ടാക്കി അയച്ചിരുന്നത്. കോവിഡ് സമയത്ത് സ്‌കൂള്‍ അധികൃതര്‍ ഓണ്‍ലൈനില്‍ സംഘടിപ്പിച്ച ആഘോഷത്തില്‍നിന്നുള്ള വിദ്യാര്‍ഥിനിയുടെ ചിത്രമാണ് ഇയാള്‍ മോര്‍ഫ് ചെയ്ത് അശ്ലീലചിത്രമാക്കി മാറ്റിയത്. പ്രതിയുടെ അച്ഛന്‍ പോലീസുകാരനാണെന്നു വ്യക്തമായതോടെയാണ് കേസൊതുക്കാനുള്ള ശ്രമം ആരംഭിച്ചത്. മകനുമായി പോലീസ് സ്റ്റേഷനില്‍ എത്തിയപ്പോള്‍ ഇറിഗേഷന്‍ വകുപ്പിലെ ഉദ്യോഗസ്ഥനാണെന്നാണ് ഇയാള്‍ പരാതിക്കാരോടു വെളിപ്പെടുത്തിയത്. ഇതിനു ശേഷം ഇരുകൂട്ടരെയും ഒരുമിച്ചു വിളിച്ച് പ്രശ്നം പരിഹരിക്കാനാണ് സൈബര്‍ പോലീസ് ഉദ്യോഗസ്ഥര്‍ ശ്രമിച്ചത്. പ്രതിക്കു പ്രായപൂര്‍ത്തിയാകാത്തതിനാല്‍ കേസെടുക്കേണ്ടതില്ലെന്നും ജുവനൈല്‍ ജസ്റ്റിസ് ബോര്‍ഡിന് വിവരം കൈമാറിയാല്‍ മതിയെന്നുമായിരുന്നു സൈബര്‍ പോലീസ് ഉദ്യോഗസ്ഥന്റെ പ്രതികരണം. പരാതിയില്‍ ഉറച്ചുനില്‍ക്കുകയാണെന്നും പ്രതിക്കെതിരേ മാതൃകാപരമായ ശിക്ഷാനടപടി.
