ആറ്റിങ്ങല്‍ :സാധാരണക്കാര്‍ക്ക് പ്രാപ്യമാകുന്ന തരത്തില്‍ റവന്യു വകുപ്പിനെആധുനികവല്‍ക്കരിക്കുമെന്ന് മന്ത്രി കെ രാജന്‍. ചിറയിന്‍കീഴ് താലൂക്കിനു കീഴിലെ ആറ്റിങ്ങല്‍, ചിറയിന്‍കീഴ്മണ്ഡലത്തില്‍പ്പെട്ടവര്‍ക്കുള്ള പട്ടയമേളയും താലൂക്ക് എമര്‍ജന്‍സി ഓപ്പറേഷന്‍ സെന്ററും ഉദ്ഘാടനം ചെയ്യുകയായിരുന്നു അദ്ദേഹം. ഡിജിറ്റല്‍ റീസര്‍വേ നടപടികള്‍ നാലുവര്‍ഷംകൊണ്ട് പൂര്‍ത്തിയാക്കുമെന്നും അദ്ദേഹം പറഞ്ഞു. 124 പട്ടയം മന്ത്രി വിതരണം ചെയ്തു. ദുരന്തനിവാരണവുമായി ബന്ധപ്പെട്ട് 24 മണിക്കൂറും പ്രവര്‍ത്തിക്കുന്ന താലൂക്ക് എമര്‍ജന്‍സി കണ്‍ട്രോള്‍ റൂമിന്റെ ഉദ്ഘാടനവും മന്ത്രി നിര്‍വഹിച്ചു. ഒ എസ് അംബിക എംഎല്‍എ അധ്യക്ഷയായി. വി ശശി എംഎല്‍എ, ആറ്റിങ്ങല്‍ നഗരസഭ ചെയര്‍പേഴ്‌സണ്‍ എസ് കുമാരി, ചിറയിന്‍കീഴ് ബ്ലോക്ക് പഞ്ചായത്ത് പ്രസിഡന്റ് പി സി ജയശ്രീ, ജില്ലാ കലക്ടര്‍ ജെറോമിക് ജോര്‍ജ്, തഹസില്‍ദാര്‍ ടി വേണു, ആറ്റിങ്ങല്‍ നഗരസഭ ചെയര്‍പേഴ്‌സണ്‍ എസ് കുമാരി, പഞ്ചായത്ത് പ്രസിഡന്റുമാരായ ആര്‍ അനില്‍, എ ചന്ദ്രബാബു, ടി ആര്‍ മനോജ്, കെ രാജേന്ദ്രന്‍ തുടങ്ങിയവര്‍ പങ്കെടുത്തു.
