നെടുമങ്ങാട് ടൗണ്‍ ഹാളില്‍ നടന്ന അദാലത്തില്‍ സാധാരണക്കാരായ നിരവധി ആളുകളാണ് പരാതിയുമായി എത്തിയത്. റവന്യൂ വകുപ്പുമായി ബന്ധപ്പെട്ട് 58 അപേക്ഷകളും മറ്റുവകുപ്പുകളുടെ 32 അപേക്ഷകളും തീര്‍പ്പാക്കി. ബാക്കിയുള്ള പരാതികളില്‍ പട്ടയവുമായി ബന്ധപ്പെട്ട അപേക്ഷകള്‍, റീസര്‍വ്വേ, അതിര്‍ത്തി- വഴി തര്‍ക്കം, അനധികൃത കയ്യേറ്റം, ലൈഫ് ഭവന പദ്ധതി, ആര്‍ടിഒ, മുനിസിപ്പാലിറ്റി, പഞ്ചായത്ത് തുടങ്ങിയവ ബന്ധപ്പെട്ട വിഭാഗങ്ങളിലേക്ക് തുടര്‍ നടപടികള്‍ക്കായി കൈമാറി. നെടുമങ്ങാട് ആര്‍.ഡി.ഒ ജയകുമാര്‍ കെ. പി, തഹസില്‍ദാര്‍ ജെ. അനില്‍ കുമാര്‍, വിവിധ വകുപ്പുകളിലെ ഉദ്യോഗസ്ഥര്‍ ജനപ്രതിനിധികള്‍ തുടങ്ങിയവരും പങ്കെടുത്തു.
