സംഭവം നടന്നത് ഇങ്ങനെ:
വിവിധ കുടുംബശ്രീ യൂണിറ്റുകൾക്ക് പുതിയ സംരംഭങ്ങൾ തുടങ്ങാൻ മൂന്നു ലക്ഷം വരെ ഓരോ യൂണിറ്റിനും നൽകുന്ന പദ്ധതിയുടെ കീഴിലാണ് 27 അപേക്ഷകൾ തയാറാക്കി ഇരുവരും േകരള ബാങ്കിനെ സമീപിച്ചത്. അപേക്ഷകൾക്കൊപ്പം ഹാജരാക്കിയ സിഡിഎസ് അദ്ധ്യക്ഷയുടെയും മെംബർ സെക്രട്ടറിയുടെയും ഒപ്പുകളിലും കയ്യെഴുത്തിലും വ്യത്യാസം കണ്ടതോടെയാണ് അധികൃതർ അന്വേഷണം തുടങ്ങിയത്.
ആദ്യം സിഡിഎസ് അദ്ധ്യക്ഷയുടെ പേരിലെ വ്യാജ ലെറ്റർ പാഡിലെ ഫോൺ നമ്പറിലേക്കു വിളിച്ചപ്പോൾ സംസാരിച്ചത് അറസ്റ്റിലായ വനിതകൾ തന്നെയായിരുന്നു. സംശയം കനത്തതോടെ ബാങ്ക്, നഗരസഭ തലത്തിൽ ബന്ധപ്പെട്ടപ്പോഴാണ് കത്തുകളെല്ലാം വ്യാജമാണെന്നു വ്യക്തമായത്. അപേക്ഷകളിൽ ഉപയോഗിച്ച വ്യാജ ലെറ്റർ പാഡ്, സീൽ അടക്കം തയാറാക്കിയ ഉറവിടങ്ങൾ കണ്ടെത്തിയെന്നാണ് സൂചന. സംഭവത്തിൽ കൂടുതൽ പേർ ഉൾപ്പെട്ടിട്ടുണ്ടാകാമെന്നു വർക്കല എസ്എച്ച്ഒ എസ്.സനോജ് അറിയിച്ചു.
