കൊൽക്കത്തയിൽ നസ്‌റുൽ മഞ്ച എന്ന ഓഡിറ്റോറിയത്തിൽ പരിപാടി അവതരിപ്പിക്കുന്നതിനിടെയാണ് അസ്വസ്ഥത അനുഭവപ്പെട്ടത്. ഉടൻ തന്നെ ആശുപത്രിയിലെത്തിച്ചെങ്കിലും അദ്ദേഹം മരണപ്പെടുകയായിരുന്നു. മരണകാരണം വ്യക്തമായിട്ടില്ല. രാത്രി 10.30 ഓടെയാണ് ആശുപത്രിയിൽ എത്തുന്നത്. കുഴഞ്ഞ് വീണതിനെത്തുടർന്ന് അദ്ദേഹത്തിന് ചില പരിക്കുകൾ ഉണ്ടായതായി റിപ്പോർട്ടുണ്ട്.
മരണവാർത്ത പുറത്തുവരുന്നതിന് മണിക്കൂറുകൾക്ക് മുമ്പ് നസ്‌റുൽ മഞ്ച ഓഡിറ്റോറിയത്തിലെ പ്രകടനത്തിന്റെ ദൃശ്യങ്ങൾ ഗായകൻ സമൂഹ മാധ്യമത്തിലൂടെ പങ്കിട്ടിരുന്നു. അദ്ദേഹത്തിന്റെ വിയോഗത്തിൽ നിരവധി ആരാധകരും ഗായകരും സമൂഹ മാധ്യമങ്ങളിലൂടെ അനുശോചനം രേഖപ്പെടുത്തി.
