പെണ്‍കുട്ടിയെ പീഡിപ്പിച്ച കേസില്‍ യുവാവിനെ പൊലീസ് അറസ്റ്റ് ചെയ്തു.
തിരുവല്ല പുല്ലാട് കുറവന്‍കുഴി വിഷ്ണു നിവാസില്‍ വിഷ്ണു (20) ആണ് പിടിയിലായത്.
ഇന്‍സ്റ്റാഗ്രാം വഴി പരിചയപ്പെട്ട പത്താം ക്ലാസ് വിദ്യാര്‍ഥിനിയെ കഴിഞ്ഞ 2, 3 തീയതികളില്‍ സുഹൃത്തിന്റെ ആളില്ലാത്ത വീട്ടില്‍ കൊണ്ടു പോയി പീഡിപ്പിച്ചതായാണ് ഇയാൾക്കെതിരെയുള്ള കേസ് എന്ന് പൊലീസ് പറഞ്ഞു.
കഴിഞ്ഞ ദിവസം ഭരതന്നൂരില്‍ .പെണ്‍കുട്ടിയുടെ സുഹൃത്തിന്റെ വീട്ടില്‍ കൊണ്ടു പോയി വിഷ്ണു പീഡിപ്പിച്ചു.
പെണ്‍കുട്ടിയെ കൊണ്ടു പോയ കാര്‍ ഭരതന്നൂർ ചെറ്റക്കട മുക്കിൽ അപകടത്തിൽ പെട്ടു .
പാങ്ങോട് പൊലീസ് കാര്‍ പരിശോധിച്ചപ്പോള്‍ സ്‌കൂള്‍ ഐഡി കാര്‍ഡും പെൺകുട്ടിയുടെ ബാഗും കണ്ടെത്തി. തുടര്‍ന്നു നടത്തിയ അന്വേഷണത്തിലാണ് വിഷ്ണുവിനെ പൊലീസ് പിടികൂടിയത്. തുടർന്ന് കടയ്ക്കൽ പോലീസിന് കൈ മാറി. തുടർന്ന്
കടയ്ക്കല്‍ കോടതിയില്‍ ഹാജരാക്കി റിമാന്‍ഡ് ചെയ്തു. പെണ്‍കുട്ടിയെ വൈദ്യപരിശോധനയ്ക്ക് വിധേയമാക്കി.
