ആധുനികശാസ്ത്രം പുരോഗതിയിലേക്ക്‌ കുതിക്കുമ്പോഴും , ഹിരോഷിമ-നാഗസാക്കി പോലുള്ള ശാസ്ത്രത്തിന്റെ തന്നെ പ്രതിലോമ മുഖങ്ങൾ കൂടി കലാ ജാഥ അനാവരണം ചെയ്യുന്നുണ്ട്. "ശാസ്ത്രം ജനനന്മക്കു "എന്ന ആഹ്വാനം ജനഹൃദയങ്ങളിലേക്ക് കൈമാറിയാണ് കലാജാഥ അവസാനിക്കുന്നത്.
കലാജാഥയുടെ ആദ്യ അരങ്ങിന്റെ ഉദ്ഘാടനം മടവൂർ സൊസൈറ്റി ജംഗ്ഷനിൽ വർക്കല എം. എൽ. എ അഡ്വ :വി ജോയി നിർവഹിച്ചു. ശാസ്ത്ര ദിനത്തോടനുബന്ധിച്ച് സംഘടിപ്പിച്ച പാഠ്യേതര പ്രവർത്തനങ്ങൾ സാമൂഹ്യ ബോധവൽക്കരണത്തിനു കൂടി വിനിയോഗിച്ചത് ഏറെ ശ്ലാഘനീയമാണെന്ന് അദ്ദേഹം പറഞ്ഞു. ഗ്രാമപഞ്ചായത്ത്‌ പ്രസിഡന്റ് എം ബിജുകുമാർ അധ്യക്ഷനായ പരിപാടിയിൽ പ്രഥമാധ്യാപകൻ എ ഇക്ബാൽ സ്വാഗതവും പി. ടി. എ പ്രസിഡന്റ് ബി ബിനുകുമാർ നന്ദിയും പറഞ്ഞു
കുട്ടി ശാസ്ത്രൻഞൻ മാർ പെങ്കെടുക്കുന്ന ശാസ്ത്രസഭ,ശാസ്ത്രപഠനത്തിന്റെ രസങ്ങളും രഹസ്യങ്ങളും തുടങ്ങി വൈവിധ്യമാർന്ന പരിപാടികൾ ശാസ്ത്ര ദിനത്തിന്റെ ഭാഗമായി സ്കൂളിൽ സംഘടിപ്പിച്ചിരിക്കുന്നു.
