*നദീജലം പിൻവലിഞ്ഞു ; ദുരിതാശ്വാസ ക്യാമ്പിൽ കഴിഞ്ഞവർ വീടിന്റെ പടി ചവിട്ടി*

ആറ്റിങ്ങൽ: ശക്തമായ മഴയെ തുടർന്ന് കഴിഞ്ഞ 2 ദിവസമായി നഗരസഭയുടെ ദുരിതാശ്വാസ ക്യാമ്പിൽ കഴിഞ്ഞവരെ ഇന്ന് വൈകിട്ടോടെ തിരികെ വീട്ടിലെത്തിച്ചു. പനവേലിപറമ്പ് ഭാഗത്തെ താമസക്കാരായ 3 കുടുംബങ്ങളിലെ 9 പേരാണ് ക്യാമ്പിൽ കഴിഞ്ഞത്. ഇന്ന് മൂന്ന് ദിവസം പിന്നിടുമ്പോൾ നഗരസഭ ചെയർപേഴ്സൺ അഡ്വ.എസ്.കുമാരിയും റവന്യൂ അധികൃതരും വെള്ളം കയറിയ പ്രദേശം സന്ദർശിച്ച് ദുരന്ത ഭീഷണി തരണം ചെയ്തു എന്നുറപ്പ് വരുത്തിയ ശേഷമാണ് നഗരസഭാ വാഹനത്തിൽ ഇവരെ സുരക്ഷിതമായി വീടുകളിലെത്തിച്ചത്.

നഗരസഭാ വികസന സ്റ്റാൻഡിംഗ് കമ്മിറ്റി ചെയർപേഴ്സൺ എസ്.ഷീജ, കൗൺസിലർ സുഖിൽ, ഡപ്യൂട്ടി തഹൽസീദാർ അജിത, വില്ലേജ് ഓഫീസർ മനോജ്, വില്ലേജ് അസി. മനോജ്, ജൂനിയർ ഹെൽത്ത് ഇൻസ്പെക്ടർ എ.അഭിനന്ദ് എന്നിവരുടെ സംഘമാണ് ക്യാമ്പിൽ കഴിഞ്ഞവരെ വീടുകളിലെത്തിച്ചത്.