നവംബർ 1ന് സ്കൂൾ തുറക്കുന്നതുമായി ബന്ധപ്പെട്ട് സ്കൂൾ ശുചീകരണത്തിന് മുന്നിട്ടിറങ്ങി സ്കൂളിലെ പൂർവ്വ വിദ്യാർഥികൾ മാതൃകയായി. അവനഞ്ചേരി ഗവ. ഹൈസ്കൂളിലെ 1990 എസ്.എസ്.എൽ.സി. ബാച്ചിൻ്റെ പൂർവ്വ വിദ്യാർഥി കൂട്ടായ്മയായ നിറവ്-90 ആണ് ശുചീകരണത്തിന് നേതൃത്വം നൽകിയത്.
ക്ലാസ് മുറികളും ഫർണിച്ചറുകളും വരാന്തകളും മറ്റും പൂർണമായി ശുചീകരിച്ച് കുട്ടികൾക്ക് സുരക്ഷിതമായി പഠിക്കാൻ അവസരമൊരുക്കുകയായിരുന്നു ഇവർ. രണ്ടു ദിവസം നീണ്ടു നിന്ന ശുചീകരണ പ്രവർത്തനങ്ങൾക്ക് അൻഫാർ, എൻ.സാബു, വിക്ടർ, സജി കല്ലിംഗൽ, ഗോപകുമാർ, ഷീബ, ആർ.എസ്.ബിന്ദു, ഷീജ, സ്വപ്ന, രജനി എന്നിവർ നേതൃത്വം നൽകി.
