മുൻ പാസ്പോർട്ട് ഓഫീസർ റഷീദ് വളാഞ്ചേരി പരിപാടി ഉദ്ഘാടനം ചെയ്തു.
ലഹരിയുടെ ദുരുപയോഗത്തിൽ തകർന്നുപോകുന്ന യുവതലമുറയെ തിരികെ കൊണ്ടുവരാൻ 'ഓപ്പറേഷൻ തൂഫാൻ' പോലുള്ള സർക്കാർ സംവിധാനങ്ങളുമായി ചേർന്ന് റഷീദ് കൂട്ടായ്മ രംഗത്തിറങ്ങണമെന്ന് അദ്ദേഹം ഉദ്ഘാടന പ്രസംഗത്തിൽ ആഹ്വാനം ചെയ്തു.
പ്രതിഫലേച്ഛ കൂടാതെ മറ്റുള്ളവർക്ക് ഉപകാരം ചെയ്യണമെന്നും വരുംതലമുറയ്ക്ക് മാതൃകയാകുന്ന പ്രവർത്തനങ്ങളാണ് നാം കാഴ്ചവെക്കേണ്ടതെന്നും അദ്ദേഹം ഓർമ്മിപ്പിച്ചു.
ചടങ്ങിൽ സംസ്ഥാന പ്രവർത്തക സമിതി അംഗം ഒ.എം. റഷീദ് പ്രവർത്തന റിപ്പോർട്ടും, ട്രഷറർ റഷീദ് വലിയോറ വരവ്-ചെലവ് കണക്കുകളും അവതരിപ്പിച്ചു.
കൂട്ടായ്മയുടെ സ്ഥാപകരായ റഷീദ് എളയൂർ, റഷീദ് നാസ് എന്നിവരെ ചടങ്ങിൽ ആദരിച്ചു.
കുറ്റിപ്പുറം റഷീദ് സാഹിബ് അനുസ്മരണ പ്രഭാഷണം സംസ്ഥാന സെക്രട്ടറി റഷീദ് മാണൂർ നടത്തി.
സന്നദ്ധ പ്രവർത്തന രംഗത്തെ സജീവ സാന്നിധ്യവും ആംബുലൻസ് ഡ്രൈവറുമായ കുറ്റിപ്പുറം റഷീദിനുള്ള 'ശ്രേഷ്ഠാ അവാർഡ്' മുൻ പാസ്പോർട്ട് ഓഫീസർ റഷീദ് വളാഞ്ചേരി സമ്മാനിച്ചു.
റഷീദ് കൂട്ടായ്മ മൂന്നാം സംസ്ഥാന സംഗമത്തെ കുറിച്ച് റഷീദ് മഠത്തിൽ പിണറായി രചിച്ച ആശംസാ ഗാനത്തിൻ്റെ സിഡി പ്രകാശനവും ചടങ്ങിൽ നടന്നു.
ഉന്നത വിജയം നേടിയ റഷീദുമാരുടെ മക്കളെയും, പ്രായം കൂടിയ റഷീദുമാരേയും, ഏറ്റവും പ്രായം കുറഞ്ഞ റഷീദിനേയും സംഗമത്തിൽ ആദരിക്കുകയുണ്ടായി.
ചടങ്ങിൽ പങ്കെടുത്ത മുഴുവൻ അംഗങ്ങൾക്കും താമരശ്ശേരി റഷീദിന്റെ വക വിത്തുകളും കോട്ടൻസ് കോഴിക്കോടിന്റെ വക സമ്മാനങ്ങളും നൽകി.
ഉച്ചയ്ക്കുശേഷം നടന്ന പ്രതിനിധി സമ്മേളനത്തിൽ മുൻ കമ്മിറ്റി പിരിച്ചുവിടുകയും
2026-28 വർഷത്തേക്കുള്ള പുതിയ ഭാരവാഹികളെയും 28 അംഗ സംസ്ഥാന പ്രവർത്തക സമിതിയേയും തെരഞ്ഞെടുകുകയും ചെയ്തു.
തുടർന്ന് വേദിയിൽ അംഗങ്ങളുടെ വിവിധ കലാപരിപാടികളും അരങ്ങേറി
എം.എ. റഷീദ് (മഞ്ചേരി മുൻസിപ്പാലിറ്റി കൗൺസിലർ), റഷീദ് താമരശ്ശേരി
(ദ പ്ലാൻ്റ് ഓർ ഫാഷൻ), റഷീദ് ശ്രീകണ്ടപുരം, റഷീദ് കോട്ടൻസ്, റഷീദ് സികെ, റഷീദ് വടക്കൻ, റഷീദ് റിലാക്സ്, റഷീദ് ചെങ്ങാനി, റഷീദ് മലബാർ, റഷീദ് കാവുന്തറ, റഷീദ് എളയൂർ ,റഷീദ് പിലാച്ചേരി, റഷീദ് ഹംസത്ത് കൊയിലാണ്ടി, പി.സി. റഷീദ് ഫറൂഖ്, മലബാർ റഷീദ്, റഷീദ് മാറഞ്ചേരി എന്നിവർ സംസാരിച്ചു. വൈകിട്ട് 5 മണിക്ക് സംഗമം ഔദ്യോഗികമായി സമാപിച്ചു.
2026 - 28 വർഷത്തേക്കുള്ള സംസ്ഥാന കമറ്റി ഭാരവാഹികൾ:
(രക്ഷാധികാരികൾ) റഷീദ് കൊയിലാണ്ടി, റഷീദ്മാസ്റ്റർ കരുളായി, റഷീദ് മുഴപ്പിലങ്ങാട്. (പ്രസിഡന്റ്) റഷീദ് പിലാച്ചേരി നടുവണ്ണൂർ. (വൈ: പ്രസിഡൻ്റ്) റഷീദ് ചങ്ങരംകുളം, ഒ.എം.റഷീദ് കായലം, റഷീദ് കാവുന്തറ നടുവണ്ണൂർ. (ജ: സെക്രട്ടറി) എം.പി. റഷീദ്
എളയൂർ. (ജോ: സെക്രട്ടറി) റഷീദ് നാസ് കുറ്റിക്കാട്ടൂർ, റഷീദ് വടക്കൻ കക്കാട്, റഷീദ് മാണൂർ എടപ്പാൾ. (ട്രഷറർ) റഷീദ് വലിയോറ വേങ്ങര.
