ആദ്യ മത്സരത്തിൽ കാനഡ മൊറോക്കോയെ നേരിടും. സ്വന്തം ആരാധകരുടെ പിന്തുണയുള്ള കാനഡയ്ക്ക് മുന്നേറ്റം ലക്ഷ്യമാണെങ്കിൽ, മികച്ച പ്രതിരോധവും കൗണ്ടർ അറ്റാക്കും ആയുധമാക്കി മൊറോക്കോ അട്ടിമറി തുടരാനാണ് ലക്ഷ്യമിടുന്നത്.
രണ്ടാം മത്സരത്തിൽ പരാഗ്വെയും ഫ്രാൻസും ഏറ്റുമുട്ടും. ലോക ഫുട്ബോളിലെ ശക്തരായ ഫ്രാൻസിന് മുന്നിൽ പരാഗ്വെയുടെ പോരാട്ടവീര്യം വലിയ വെല്ലുവിളിയാകും.
ജൂലൈ 6-ന് ബ്രസീൽ–നോർവെ, മെക്സിക്കോ–ഇംഗ്ലണ്ട് മത്സരങ്ങളും, ജൂലൈ 7-ന് പോർച്ചുഗൽ–സ്പെയിൻ, അമേരിക്ക–ബെൽജിയം, അർജന്റീന–ഈജിപ്ത് മത്സരങ്ങളും നടക്കും. ജൂലൈ 8-ന് സ്വിറ്റ്സർലൻഡ്–കൊളംബിയ പോരാട്ടത്തോടെയാണ് പ്രിക്വാർട്ടർ റൗണ്ട് പൂർത്തിയാകുക.
ക്വാർട്ടർ ഫൈനൽ ലക്ഷ്യമിട്ട് എല്ലാ ടീമുകളും നിർണായക പോരാട്ടത്തിനിറങ്ങുമ്പോൾ, ലോകകപ്പ് ആവേശം ഇനി കൂടുതൽ കൊഴുക്കും. ആരാധകർ ആകാംക്ഷയോടെ കാത്തിരിക്കുന്ന നോക്ഔട്ട് റൗണ്ടിൽ അട്ടിമറികളും ത്രസിപ്പിക്കുന്ന മത്സരങ്ങളും ആവർത്തിക്കുമോ എന്നതാണ് ഇനി കണ്ടറിയേണ്ടത്.
