കേന്ദ്ര മോട്ടോര് വാഹന നിയമത്തില് വന്ന പുതിയ ഭേദഗതിയുടെ അടിസ്ഥാനത്തിലാണ് കേരളത്തിലും ഈ മാറ്റം നടപ്പിലാക്കുന്നത്.ഡ്രൈവിങ് ടെസ്റ്റുകള് കൂടുതല് പ്രായോഗികവും ആധുനിക വാഹന സാങ്കേതികവിദ്യയുമായി പൊരുത്തപ്പെടുന്നതുമാക്കുന്നതിനുള്ള നടപടികളുടെ ഭാഗമായാണ് പുതിയ തീരുമാനം.
നിലവില് വിപണിയില് ഇറങ്ങുന്ന നിരവധി വാഹനങ്ങളില് റിവേഴ്സ് ക്യാമറ സംവിധാനങ്ങള് സ്റ്റാന്ഡേര്ഡായി ഉള്പ്പെടുത്തിയിരിക്കുന്ന സാഹചര്യത്തിലാണ് ഇത്തരമൊരു മാറ്റം.ഇതുവരെ ഡ്രൈവിങ് ടെസ്റ്റിനിടെ വാഹനത്തിന്റെ വശങ്ങളിലെയും ഉള്ഭാഗത്തെയും റിയര്വ്യൂ മിററുകള് മാത്രം ഉപയോഗിച്ചായിരുന്നു വാഹനം പിന്നോട്ട് ഓടിക്കേണ്ടിയിരുന്നത്. റിയര്വ്യൂ ക്യാമറയുടെ സഹായം സ്വീകരിക്കുന്നത് അനുവദിച്ചിരുന്നില്ല. ഡ്രൈവിങ് പരിശീലന രംഗത്തും ടെസ്റ്റ് നടപടികളിലും പുതിയ തീരുമാനം വലിയ മാറ്റത്തിന് വഴിവെക്കുമെന്നാണ് വിലയിരുത്തല്. പുതിയ നിര്ദേശം സംസ്ഥാനത്തെ ഡ്രൈവിങ് ടെസ്റ്റ് കേന്ദ്രങ്ങളില് ഉടന് പ്രാബല്യത്തില് വരും.
