മൂന്ന് ദിവസത്തിന് ശേഷം സ്വർണം തിരഞ്ഞപ്പോഴാണ് അബദ്ധം പറ്റിയ വിവരം വീട്ടുകാർ തിരിച്ചറിയുന്നത്. അപ്പോഴേക്കും പുസ്തകങ്ങൾ ആക്രിക്കടയിലെ കൂറ്റൻ മാലിന്യക്കൂമ്പാരത്തിനിടയിൽ മറഞ്ഞുപോയിരുന്നു. എന്നാൽ പ്രതീക്ഷ കൈവിടാതെ വീട്ടുകാരും ആക്രിക്കടയിലെ തൊഴിലാളികളും ചേർന്ന് നടത്തിയ മണിക്കൂറുകൾ നീണ്ട പരിശ്രമത്തിനൊടുവിൽ സ്വർണം കണ്ടെത്തി. കൊടുംവെയിലിൽ ആക്രി കൂമ്പാരത്തിനിടയിൽ തപ്പിയെടുക്കുമ്പോൾ രണ്ട് തൊഴിലാളികൾക്ക് സൂര്യതാപം പോലുമേറ്റു.
ഒടുവിൽ 4 ഗ്രാം ഒഴികെ ബാക്കി സ്വർണാഭരണങ്ങളും തിരികെ ലഭിച്ചു. ആക്രിക്കട ഉടമ നിസാറിന്റെയും തൊഴിലാളികളുടെയും സത്യസന്ധതയും പരിശ്രമവുമാണ് ആ കുടുംബത്തിന് തങ്ങളുടെ സമ്പാദ്യം തിരികെ നൽകിയത്. തെക്കുംഭാഗം പോലീസ് സ്റ്റേഷനിൽ വെച്ച് ആഭരണങ്ങൾ ഉടമയ്ക്ക് കൈമാറി. എങ്കിലും പ്രിയപ്പെട്ടവരേ, സാധനങ്ങൾ ആക്രിക്ക് കൊടുക്കുമ്പോൾ ഒന്ന് സൂക്ഷിക്കുന്നത് നന്നായിരിക്കും!
