ഒമാന് ഉള്ക്കടലില് വെച്ചാണ് ആക്രമണം നടന്നതെന്ന് ഇറാന്റെ സൈനിക കേന്ദ്രങ്ങള് സ്ഥിരീകരിച്ചു. ചരക്കുകപ്പലിന് നേരെ വെടിയുതിര്ത്ത ശേഷം ഹെലികോപ്റ്ററുകള് വഴിയാണ് അമേരിക്കന് സൈന്യം കപ്പലില് ഇറങ്ങിയത്. ഇറാന്റെ പതാകയേന്തിയ 'തൂസ്ക' എന്ന ചരക്കുകപ്പലാണ് അമേരിക്കന് ഡിസ്ട്രോയറായ യു.എസ്.എസ് സ്പ്രൂവന്സ് ആക്രമിച്ചത്. തുടർച്ചയായ മുന്നറിയിപ്പുകള് അവഗണിച്ചതിനെത്തുടര്ന്ന് കപ്പലിന്റെ എന്ജിന് റൂമിലേക്ക് നാവികസേന വെടിയുതിര്ക്കുകയായിരുന്നു. തുടര്ന്ന് അമേരിക്കന് മറീനുകള് കപ്പലില് കയറി നിയന്ത്രണം ഏറ്റെടുക്കുകയായിരുന്നു. ബന്ദര് അബ്ബാസ് തുറമുഖത്തേക്ക് വരികയായിരുന്ന വാണിജ്യ കപ്പലിനെയാണ് അമേരിക്ക ആക്രമിച്ചതെന്ന് ഇറാൻ പ്രതികരിച്ചു
