പാലക്കാട് കോതകുറുശ്ശി സെക്ഷനിലെ കെ.എസ്.ഇ.ബി ലൈൻമാനായ ഫാരിസ് ഖാൻ, തന്റെ ജോലി സ്ഥലത്തിനടുത്തായി കേട്ട ആ അസാധാരണമായ കരച്ചിൽ കേട്ട് ഓടിയെത്തുമ്പോൾ കണ്ടത് ഉള്ളുലയ്ക്കുന്ന കാഴ്ചയായിരുന്നു. ഒരു നിമിഷം വൈകിയിരുന്നെങ്കിൽ ഒരുപക്ഷേ ആ വീടുകളിൽ ഇന്ന് കണ്ണീർ പടരുമായിരുന്നു. പക്ഷേ, സ്വന്തം ജീവൻ പണയപ്പെടുത്തിയും ആ പാവങ്ങളെ രക്ഷിക്കണമെന്ന നിശ്ചയദാർഢ്യം മാത്രമായിരുന്നു ഫാരിസിനുണ്ടായിരുന്നത്.
കൈയിലുണ്ടായിരുന്ന ഇൻസുലേറ്റഡ് പ്ലെയർ കൊണ്ട് ആ വൈദ്യുത കമ്പി മുറിച്ചുമാറ്റുമ്പോൾ ഫാരിസിനും ചെറിയ രീതിയിൽ ഷോക്കേറ്റു. പക്ഷേ ആ വേദനയേക്കാൾ വലുതായിരുന്നു ആ കുഞ്ഞുങ്ങളുടെ ശ്വാസമെന്ന് അദ്ദേഹം തെളിയിച്ചു. അവരെ വരിഞ്ഞു മുറുക്കിയ മരണപ്പാശത്തിൽ നിന്നും മോചിപ്പിച്ച്, സ്വന്തം വാഹനത്തിൽ തന്നെ ആശുപത്രിയിലെത്തിച്ച ഫാരിസ് ഖാൻ ഇന്ന് കേരളത്തിന്റെ ഹീറോയാണ്.
പ്രാഥമിക ചികിത്സയ്ക്ക് ശേഷം ആ കുരുന്നുകൾ സുരക്ഷിതരായി ചിരിയോടെ വീട്ടിലേക്ക് മടങ്ങി. ഫാരിസ് ഖാൻ കാണിച്ച ഈ ധീരതയും മനുഷ്യത്വവും നമുക്കെല്ലാവർക്കും വലിയൊരു പാഠമാണ്. തന്റെ ജോലി എന്നത് കേവലം വൈദ്യുതി ലൈൻ നന്നാക്കൽ മാത്രമല്ല, മനുഷ്യജീവന്റെ കാവലാളാകുക കൂടി ആണെന്ന് ഫാരിസ് തെളിയിച്ചിരിക്കുന്നു.
ധീരതയ്ക്കും ഈ വലിയ മനസ്സുിനും കോടി പ്രണാമം!
