കഴിഞ്ഞ ഒന്നര പതിറ്റാണ്ടായി യാംബുവിൽ ഡ്രൈവറായി ജോലി ചെയ്തുവരികയായിരുന്നു ഷമീർ. ശനിയാഴ്ച രാത്രിയും പ്രിയപ്പെട്ടവർക്കൊപ്പം ഏറെ നേരം ചിലവഴിച്ച ശേഷമാണ് ഷമീർ വിശ്രമിക്കാൻ പോയത്. പുലർച്ചെ പെട്ടെന്നുണ്ടായ നെഞ്ചുവേദനയെത്തുടർന്ന് സുഹൃത്തുക്കൾ ഉടൻ തന്നെ ആശുപത്രിയിൽ എത്തിക്കാൻ ശ്രമിച്ചെങ്കിലും വഴിമധ്യേ മരണം സംഭവിക്കുകയായിരുന്നു.
നാട്ടിലും മറുനാട്ടിലും ഒരുപോലെ സൗഹൃദങ്ങൾ സൂക്ഷിച്ചിരുന്ന ഷമീറിന്റെ അപ്രതീക്ഷിത വിയോഗം ഇനിയും ഉൾക്കൊള്ളാൻ സുഹൃത്തുക്കൾക്കും ബന്ധുക്കൾക്കും കഴിഞ്ഞിട്ടില്ല. മൃതദേഹം നിയമനടപടികൾക്ക് ശേഷം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുന്നു.
