ഒരു അധ്യാപകനിൽ നിന്ന് നേരിടേണ്ടി വന്ന ജാതീയവും വംശീയവുമായ അധിക്ഷേപങ്ങൾ നിധിന്റെ മനസ്സിനെ എത്രത്തോളം വേദനിപ്പിച്ചിട്ടുണ്ടാകണം? നിറത്തിന്റെ പേരിൽ പരിഹസിച്ചും, "പുഴുത്ത പട്ടി" എന്ന് വിളിച്ച് പരസ്യമായി ആക്ഷേപിച്ചും ഒരു അധ്യാപകൻ വിദ്യാർത്ഥിയെ തളർത്തുമ്പോൾ അവിടെ ഇല്ലാതാകുന്നത് ഒരു പാവം കുടുംബത്തിന്റെ പ്രതീക്ഷ കൂടിയാണ്. ഇതിനു പുറമെ സീനിയർ വിദ്യാർത്ഥികളിൽ നിന്നുള്ള റാഗിംഗും കൂടി ആയതോടെ ആ മകൻ മാനസികമായി തകർന്നുപോയിട്ടുണ്ടാകാം.
മരണത്തിന് മണിക്കൂറുകൾക്ക് മുൻപ് വരെ വീട്ടുകാരോട് സന്തോഷത്തോടെ സംസാരിച്ച നിധിൻ, ഇന്ന് വീട്ടിലെത്തുമെന്ന് പ്രിയപ്പെട്ടവർക്ക് വാക്ക് നൽകിയിരുന്നതാണ്. എന്നാൽ മകന്റെ ചിരിക്കുന്ന മുഖത്തിന് പകരം ചേതനയറ്റ ശരീരമാണ് ആ അച്ഛനമ്മമാർക്ക് കാണേണ്ടി വന്നത്. സ്വപ്നങ്ങളുമായി പഠിക്കാനെത്തിയ ഒരു വിദ്യാർത്ഥിക്ക് തന്റെ ക്യാമ്പസിൽ വച്ച് ഇത്തരമൊരു ഗതി വരുന്നത് അങ്ങേയറ്റം ദൗർഭാഗ്യകരമാണ്.
ഇനിയൊരു നിധിൻ രാജ് ആവർത്തിക്കപ്പെടരുത്. ഈ മരണത്തിന് കാരണക്കാരായവർ നിയമത്തിന് മുന്നിൽ വരണം. ആ കുടുംബത്തിന് അർഹമായ നീതി ലഭിക്കാൻ നമുക്ക് ഒന്നിച്ച് ശബ്ദമുയർത്താം. പ്രിയ സഹോദരന് കണ്ണീരോടെ വിട...
