തന്റെ വിവാഹത്തിന് മുൻപിൽ നിന്ന് എല്ലാം നടത്തിത്തരേണ്ടിയിരുന്ന ആ ഏട്ടൻ ഇന്നില്ല..! ചേതനയറ്റ ശരീരമായി മടങ്ങിവന്ന ഓർമ്മകൾ ആ കുടുംബത്തെ ഇന്നും വേട്ടയാടുകയാണ്. കർണാടകയിലെ ഷിരൂരിലെ മണ്ണും, പുഴയും കവർന്നെടുത്ത അർജുന്റെ വിയോഗത്തിന് ശേഷം നടക്കുന്ന വിവാഹം, കുടുംബാംഗങ്ങളെ സംബന്ധിച്ചിടത്തോളം വലിയൊരു വിങ്ങലാണ്.
ചാത്തമംഗലം സ്വദേശി ആദർശാണ് അഭിരാമിയുടെ കൈപിടിക്കുന്നത്.രാവിലെ 10.30-നും 11.15-നും ഇടയിലുള്ള മുഹൂർത്തത്തിലാണ് ചടങ്ങുകൾ നടന്നത്. അർജുൻ്റെ വേർപാട് നൽകിയ തീരാവേദനക്കിടയിലും, അഭിരാമിയുടെ ജീവിതത്തിൽ ഒരു പുത്തൻ വെളിച്ചം ഉദിക്കട്ടെയെന്ന പ്രാർത്ഥനയിലാണ് നാട് മുഴുവൻ.
