മൊബൈൽ ക്യാമറ ഉയർത്തിക്കാട്ടിയും, വണ്ടിക്ക് മുന്നിൽ ചുവടുറപ്പിച്ചു നിന്നും അമ്മ നടത്തിയ ആ പോരാട്ടം വെറുതെയായില്ല. വീഡിയോ വൈറലായതോടെ മോട്ടോർ വാഹന വകുപ്പ് (MVD) ഉടനടി നടപടിയെടുത്തു. നിയമം ലംഘിച്ച യാത്രക്കാരന്റെ ലൈസൻസ് സസ്പെൻഡ് ചെയ്യുകയും കേസെടുക്കുകയും ചെയ്തു. ഗതാഗത മന്ത്രി കെ.ബി ഗണേഷ് കുമാർ ഉൾപ്പെടെയുള്ള പ്രമുഖർ ഈ ധീരതയെ അഭിനന്ദിച്ചെത്തിയിട്ടുണ്ട്.
തെറ്റിനോട് നോ പറയാൻ പ്രായം ഒരു തടസ്സമല്ലെന്ന് തെളിയിച്ച പ്രഭാവതിയമ്മയ്ക്ക് സോഷ്യൽ മീഡിയയിൽ ഇപ്പോൾ അഭിനന്ദനപ്രവാഹമാണ്. റോഡിലെ മര്യാദകൾ കാറ്റിൽ പറത്തുന്നവർക്കുള്ള കൃത്യമായ താക്കീതാണ് ഈ സംഭവം.
