ചികിത്സാപ്പിഴവിനെത്തുടര്ന്ന് നെടുമങ്ങാട് ജില്ലാ ആശുപത്രിയില് നവജാത ശിശു മരിച്ചെന്ന പരാതിയില് കുഞ്ഞിന്റെ പോസ്റ്റുമോര്ട്ടം ഇന്ന്. തിരുവനന്തപുരം മെഡിക്കല് കോളേജില് ആദ്യ പോസ്റ്റുമോര്ട്ടം ആയാണ് ഇത് നിശ്ചയിച്ചിരിക്കുന്നത്. ഇന്നലെ വൈകിട്ടോടെ കുഞ്ഞിന്റെ മൃതദേഹം പോസ്റ്റുമോര്ട്ടത്തിനായി നെടുമങ്ങാട് ജില്ലാ ആശുപത്രിയില് നിന്ന് മെഡിക്കല് കോളേജിലേക്ക് മാറ്റി. സിസേറിയന് നടത്തിയ നെടുമങ്ങാട് ജില്ലാ ആശുപത്രിയിലെ ഡോക്ടര് ബിന്ദു സുന്ദറിനെ ഇന്നലെ സസ്പെന്ഡ് ചെയ്തിരുന്നു. ഡോക്ടര് കൈക്കൂലി ചോദിച്ചുവാങ്ങിയെന്ന കുഞ്ഞിന്റെ അച്ഛന്റെ ആരോപണത്തിനും വ്യാപക പ്രതിഷേധത്തിനും പിന്നാലെയാണ് നടപടിയെടുത്തത്.
