ഓരോ കുപ്പി സ്ക്രീനിൽ മിന്നിമറയുമ്പോഴും അനായാസം ഉത്തരം പറയുന്ന ചേച്ചിയുടെ ആത്മവിശ്വാസം കണ്ട് അഭിമുഖം നടത്തുന്ന സുഹൃത്തുപോലും ഒന്ന് അമ്പരന്നുപോകുന്നുണ്ട്. എന്തായാലും ചേച്ചിയുടെ ഈ അപാരമായ അറിവ് കണ്ടപ്പോൾ സോഷ്യൽ മീഡിയ ഒന്നടങ്കം ചോദിക്കുന്നത് ഒന്നുമാത്രം: "ചേച്ചി ഇനി പിഎസ്സി പരീക്ഷയ്ക്ക് അപേക്ഷിക്കണ്ടേ?"
ഏതായാലും ഈ 'ബോട്ടിൽ വിജ്ഞാനം' വെച്ച് കേരള സർക്കാർ ജോലി ഉറപ്പാണെന്നും, മറ്റെന്ത് പഠിച്ചാലും ഇത്രയും പെർഫെക്ഷൻ കിട്ടില്ലെന്നുമാണ് വീഡിയോയ്ക്ക് താഴെ വരുന്ന കമന്റുകൾ. അറിവിന്റെ ഈ പുതിയ തലത്തിലുള്ള ചേച്ചിയുടെ പ്രകടനം ഇപ്പോൾ സോഷ്യൽ മീഡിയയിൽ ചിരിപടർത്തുകയാണ്.
