കല്ലറയൊരുക്കി പത്ത് വർഷത്തെ കാത്തിരിപ്പ്
പത്ത് വർഷം മുൻപ് പൂർണ്ണ ആരോഗ്യവാനായിരിക്കുമ്പോഴാണ് മോഹനൻ സ്വന്തം പറമ്പിന്റെ ഒരറ്റത്ത് കല്ലറ പണിതത്. ജീവിതത്തിന്റെയും മരണത്തിന്റെയും പ്രതീകമായാണ് അദ്ദേഹം ഇതിനെ കണ്ടിരുന്നത്. ഇടയ്ക്കിടെ കല്ലറയ്ക്ക് സമീപമെത്തി പരിസരം വൃത്തിയാക്കുകയും അവിടെ സമയം ചെലവഴിക്കുകയും ചെയ്യുന്നത് ഇദ്ദേഹത്തിന്റെ പതിവായിരുന്നു. മരണത്തിനായുള്ള കാത്തിരിപ്പ് നീണ്ടുപോയതിലെ മനോവിഷമമാകാം സ്വയം ജീവൻ വെടിയാൻ പ്രേരിപ്പിച്ചതെന്ന് ബന്ധുക്കൾ കരുതുന്നു.
തന്റെ മരണശേഷം മക്കൾക്കോ ബന്ധുക്കൾക്കോ ചടങ്ങുകൾ നടത്തുന്നതിൽ സാമ്പത്തിക ബുദ്ധിമുട്ടുണ്ടാകരുതെന്ന് മോഹനന് നിർബന്ധമുണ്ടായിരുന്നു. ഇതിനായി ചടങ്ങുകൾക്ക് വരാവുന്ന ചെലവ് കണക്കാക്കി കൃത്യമായ തുക അദ്ദേഹം മുൻകൂട്ടി ബാങ്കിൽ നിക്ഷേപിച്ചിരുന്നു. പിതാവിന്റെ ആഗ്രഹങ്ങൾക്ക് തടസ്സം നിൽക്കാതിരുന്ന ബന്ധുക്കൾ, അദ്ദേഹത്തിന്റെ ആഗ്രഹപ്രകാരം തന്നെ മൃതദേഹം സ്വന്തമായി പണിത കല്ലറയിൽ അടക്കം ചെയ്തു.
ഭാര്യ: പുഷ്പ.
മക്കൾ: ജീവപ്രസാദ്, പ്രിയ.
മരുമക്കൾ: ബിജു, സരി.
