തച്ചോട്ടുകാവ് മങ്കാട്ട്കടവ് റോഡിൽ 'തച്ചോട്ട് എന്ന പേരിൽ കഴിഞ്ഞ 8 വർഷമായി പ്രദീപ് ഹോട്ടഡദ നടത്തി വരികയായിരുന്നു. തന്റെ അധ്വാനത്തിന്റെ വലിയൊരു ഭാഗം ഈ സ്ഥാപനത്തിനായി അദ്ദേഹം മാറ്റിവെച്ചു. എന്നാൽ ഹോട്ടലുമായി ബന്ധപ്പെട്ടുണ്ടായ കടുത്ത സാമ്പത്തിക ബാധ്യതകളും, കുടുംബപ്രശ്നങ്ങളുമാണ് പ്രദീപിനെ തളർത്തിയത്..
താൻ മരിക്കാൻ പോവുകയാണെന്ന് സൂചിപ്പിക്കുന്ന ഹൃദയഭേദകമായ വീഡിയോയിൽ തന്റെ തകർച്ചയുടെ കാരണങ്ങൾ പ്രദീപ് വിവരിക്കുന്നുണ്ട്. ഏകദേശം ഒരു കോടിയോളം രൂപയുടെ നഷ്ടം സംഭവിച്ചതായും സ്വർണ്ണാഭരണങ്ങളും, വിലപിടിപ്പുള്ള വസ്തുക്കളും കൈവിട്ടുപോയതായും പ്രദീപ് പറയുന്നു. തന്റെ മരണത്തിന് ഉത്തരവാദികൾ രണ്ടാം ഭാര്യയും അവരുടെ അമ്മയുമാണെന്ന് പ്രദീപ് വീഡിയോയിലും എഴുതിവെച്ച കുറിപ്പിലും ആരോപിക്കുന്നുണ്ട്. അച്ഛനോടും സുഹൃത്തുക്കളോടും ക്ഷമ ചോദിച്ചുകൊണ്ടാണ് ആ ജീവിതം അവസാനിച്ചത്...
ആമച്ചൽ സ്വദേശിയായ പ്രദീപ് ആദ്യ വിവാഹം വേർപിരിഞ്ഞ ശേഷമാണ് ഹോട്ടലിന് സമീപം താമസിക്കുന്ന സ്ത്രീയെ വിവാഹം കഴിച്ചത്. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്..
