ഇവര് കഴിഞ്ഞദിവസം വിഴിഞ്ഞത്തെ അസ്മാക്ക് എന്ന് പേരുള്ള ഹോട്ടലിൽ നിന്നും ഭക്ഷണം കഴിച്ചിരുന്നു. മടങ്ങും വഴി ദേഹാസ്വാസ്ഥ്യവും ചര്ദ്ദിയും അനുഭവപ്പെട്ടതോടെ ചികിത്സ തേടുകയായിരുന്നു. വിഴിഞ്ഞത്ത് നിന്നും മീന് വിഭവങ്ങളാണ് അഞ്ചംഗ സംഘം കഴിച്ചത്.
ഇവരെ ആദ്യം നിലമേലിലെ സ്വകാര്യ ആശുപത്രിയിലും പിന്നീട് നില ഗുരുതരമായതോടെ മെഡിക്കല് കോളേജിലേക്ക് മാറ്റുകയായിരുന്നു. ഇസിജിയില് പ്രശ്നങ്ങള് കണ്ടതിനെ തുടര്ന്ന് ഷാജിയെ തിരു. മെഡിക്കല് കോളേജിലേക്ക് റഫര് ചെയ്തു. മെഡിക്കല് കോളജില് എത്തുമ്പോഴേക്കും മരിച്ചിരുന്നുവെന്ന് ഡോക്ടര്മാര് പറഞ്ഞു. ഷാജിയെ അലര്ജി പ്രശ്നങ്ങള് അലട്ടിയിരുന്നു. അലര്ജിയാണ് മരണകാരണമായതെന്നാണ് മെഡിക്കല് കോളേജ് അധികൃതര് പറയുന്നത്.
ബന്ധുക്കളുടെ ആരോപണത്തിന് പിന്നാലെ ഹോട്ടല് പൊലീസ് ഇടപെട്ട് അടപ്പിച്ചു. ഭക്ഷ്യസുരക്ഷാ വകുപ്പ് പരിശോധന നടത്തും.
