വർണ്ണമനോഹരമായ പൂച്ചെടികൾ, ഫല സസ്യങ്ങൾ, അപൂർവ ഹരിത സസ്യങ്ങൾ തുടങ്ങിയവയുടെ ആയിരത്തിലേറെ വൈവിധ്യങ്ങൾ മേളയിലൊരുക്കിയിട്ടുണ്ട്. ഡെക്കോർ പീസുകൾ, ടെറേറിയങ്ങൾ, ടെറേറിയം വർക്ക്ഷോപ്പുകൾ, ഗാർഡനിംഗ് ഉപകരണങ്ങൾ തുടങ്ങി വിശാലമായ ശേഖരം ഒരു മേൽക്കൂരക്കു കീഴിൽ ഒത്തുകൂടുന്നുവെന്നതാണ് ലുലു ഫ്ലവർ ഫെസ്റ്റിന്റെ പ്രത്യേകത. വീടുകളിലെ ലാന്ഡ്സ്കേപ്പിംഗ്, ഇന്ഡോർ -ഔട്ട്ഡോർ ഗാർഡനിംഗ്, കസ്റ്റമൈസ്ഡ് ഗാർഡനിംഗ് എന്നിവക്ക് അനുയോജ്യമായ അലങ്കാര സസ്യങ്ങളുടെയും പൂക്കളുടെയും വൻ ശേഖരവും മേളയിലുണ്ട്. സസ്യ വിദഗ്ദ്ധരുമായി സംവദിക്കാനും ഗാർഡനിംഗ് കൂടുതൽ അടുത്തറിയാനും ഫെസ്റ്റിൽ അവസരമൊരുക്കിയിട്ടുണ്ട്. വ്യത്യസ്തങ്ങളായ നിരവധി ഫല സസ്യങ്ങളും മേളയിലിടം നേടിയിട്ടുണ്ട്. മാമ്പഴത്തിലും പ്ലാവിലും വിദേശരാജ്യങ്ങളിൽ നിന്നുളള വെറൈറ്റി ഇനങ്ങളും തിരുവനന്തപുരം ലുലുമാളിലെ പ്രദർശിനെത്തിയിട്ടുണ്ട്. പെറ്റ് ഷോയും മേളയിലെ മറ്റൊരു കൗതുകക്കാഴ്ചയാണ്
