ഓൺലൈനായി എന്യൂമെറേഷൻ ഫോം സമർപ്പിക്കാൻ ഇക്കാര്യങ്ങൾ ശ്രദ്ധിക്കണം
ഇ-സൈൻഡ് ഫോമുകൾ ഒരു വോട്ടറിനു തനിക്ക് വേണ്ടി മാത്രം പൂരിപ്പിക്കാൻ പാകത്തിന് രൂപപ്പെടുത്തിയതാണ്.
എപിക് (2025) ലെ പേരും ആധാർ ഉപയോഗിച്ച് ഇ സൈൻ ചെയ്യുന്ന ടൂളിലെ പേരും ഒന്നുതന്നെയായിരിക്കണം.
തുടർ പ്രവർത്തനങ്ങൾക്കായി സമ്മതിദായകന്റെ മൊബൈൽ നമ്പർ എപിക്കുമായി (EPlC) ബന്ധപ്പെടുത്തിയിരിക്കണം, ഇല്ലെങ്കിൽ ഫോം 8 വഴി വോട്ടർ ഇതിനുള്ള അപേക്ഷ സമർപ്പിക്കണം. ഫോം 8, ഇ-സൈൻ വഴി മാത്രമേ സമർപ്പിക്കാനാകൂ എന്നത് പ്രത്യേകം ശ്രദ്ധിക്കുക.
മേൽപറഞ്ഞ രീതിയിൽ ബന്ധിപ്പിക്കാത്തവർ ബി എൽ ഓ വഴി തന്നെ ഫോം പൂരിപ്പിച്ചു നൽകേണ്ടതാണ്.
എന്യൂമറേഷൻ ഫോം വിതരണം പൂർത്തീകരിച്ച 13 ബിഎൽഒമാരുമായി ഇന്ന് വീഡിയോ കോൺഫറൻസ് നടത്തിയെന്നും അവരെ അനുമോദിച്ചതായും മുഖ്യ തിരഞ്ഞെടുപ്പ് ഓഫീസർ അറിയിച്ചു. ഇന്ന് നടന്ന രാഷ്ട്രീയ പാർട്ടികളുമായുള്ള യോഗത്തിൽ എസ്ഐആറിൻ്റെ പുരോഗതി അറിയിച്ചതായും തുടർ പ്രവർത്തനങ്ങളിൽ രാഷ്ട്രീയ പാർട്ടികളുടെ സഹകരണം അഭ്യർത്ഥിച്ചതായും അദ്ദേഹം വ്യക്തമാക്കി.
